Балаҕан ыйын 1 күнүгэр Арыктаах орто оскуолатыгар Билии күнүгэр үөрүүлээх бырааһынньык буолла.
Саҥа үөрэх 2024-2025 сылыгар 1 кылааска 4 оҕо киирдэ. Оскуола директора Сергей Владимирович Ноговицын үөрэх дьыла аһыллыбытынан коллективы уонна үөрэнээччилэри эҕэрдэлээтэ. Физика, химия кабинеттарыгар үөрэх министерствота саҥа оборудование бэлэхтээтэ уонна «Точка роста» киинэ аһылынна. Оскуолаҕа уопсайа 46 үөрэнээччи баар диэн информацияны директор иһитиннэрдэ.
Үөрүүлээх бырааһынньыкка «Быйаҥнаах Алаас» түөлбэ салайааччыта П.И. Ноговицын 1 кылаас үөрэнээччилэригэр Эрчим Соловьевка, Эрэл Сидоровка бэлэхтэри туттарда. Оҕолор олус үөрдүлэр. Ону таһынан, нэһилиэкпит баһылыга Ангелина Сергеевна Сивцева кинилэргэ олохтоох дьаһалта аатыттан бэлэхтэри туттарда.
Петр Ноговицын, Арыктаах нэһилиэгэ.
Фото: Арыктахская СОШ