Быйылгаттан оскуолабытыгар Үрүҥ Уолан уруоктара ыытыллаллар. Бу уруогу физкультура уонна ОБЖ учуутала, волейболга тренербит Иннокентий Лазаревич Охлопков ыытар.
Бу уруоктар олоҕу кытта быһаччы ситимнээхтэр. Саха киһитин сиэринэн 7-8 кылаас уолаттара бөһүөлэктэн икки километр хоту сытар Бээбиктэ күөлгэ муус аннынан илими үтэргэ уонна көрөргө үөрэннибит. Барытын саҥа көрөр буолан олус интэриэһинэй буолла. Аны дьиэбитигэр барарбытыгар үстүү сибиэһэй соболоох бардыбыт. Аара куобахха туһаҕы иитэргэ үөрэннибит. Дьиэбитигэр Байанай мичик гынан сибиэһэй соболоох кэлэн дьоммутун үөртүбүт.
Бу маннык уруоктар олоҕу кытта сибээстээхтэр, элбэххэ, туһалаахха үөрэтэллэр.
Ньургун Сивцев — В.Е.Колмогоров аатынан Сииттэ оскуолатын 8 кылааһын үөрэнээччитэ