Тыайатааҕы «Кэнчээри» уһуйаан үлэһиттэрэ оҕо аймаҕы сайдыыга сирдиир, билиини иҥэрэр түбүктээх үлэлэрин быыһыгар үгүс айар дьоҕурдаахтарынан биллэллэр.
Кэрэни кэрэхсиир бу эдэр кэрэ аҥардар илии оҥоһуктарынан араас таһымнаах көрүүлэри киэргэтэллэр, сиэдэрэй симэхтэри, таҥастары айан, тигэн дьоҥҥо кэрэхсэтэллэр. Концертарга көрдөөх сценкалар Анна Алексеевната, Мария Афанасьевната, Мария Алексеевната суох ааспаттар. Маны тэҥэ, нарын үҥкүүлэринэн тэрээһиннэри ордук тупсараллар.
Оҕолор иккис ийэ буолбут амарах иитээччилэр айымньылаахүлэлэринэн дьон-сэргэ хайҕалын ылан, опыттарын өрүүтарҕаталлар, көрүүлэргэ көхтөөхтүк кыттанситиһиилэнэллэр. Онтон быйыл Кэбээйи нэһилиэгин культуратын киинэ сыл аайы ыытар «Большие танцы» талааннаах культура үлэһитэ Надежда Софронеева аатын үйэтитэр күрэскэ кыттан кэллилэр. Улууспут үгүс, имигэс үҥкүүһүттэрин кытта тэҥҥэ кэрэ эйгэнэн күөн көрсөн, 2 степеннээх дипломант, Надежда Софронеева 14 сыллаахха АГИКИны бүтэрбит студеннарын анал бириистэринэн, көрөөччүлэр биһирэбиллэрин ылан илии тутуурдаах, өттүк харалаах, үөрэ-көтө кэпсиирдээх кэллилэр.
Олохтоохтор Мария Алексеевна Захарова салайааччылаах уһуйаан үлэһиттэригэр инникитин даҕаны үлэттэн үөрүү, дьарыктан астыныы үрдүк өрөгөйгө тиэрдэ турдун диэнбаҕа санаабытын тиэрдэбит.
Екатерина Архипова