Кып кыра Сэбээн курдук бөһүөлэктэн, онно төрөөн, үөскээн, улаатан, оскуоланы бүтэрэн киин диэки кэлэн иим-саам сылдьан ситиһии бөҕө буолан сылдьарын тус бэйэм бу саҥардыы истэн, билэн сырдатарга сананным. Этэргэ дылы маннык көрүҥҥэ Сэбээн Күөлгэ бу уолбут маҥнайгы сүүрүкпүт буолуо, өссө буолаары буолан Арассыыйа таһымыгар. Бу сылдьан эрэ төрөөбүт Кэбээйитин улууһун чиэһин көмүскүүр эбит да, тоҕо эрэ ханна да аата ааттамматаҕыттан сөҕөбүн. Эбэтэр мин аахайбакка аһарбыппын дуу…
Сүөдэр Оконешников оҕо да сылдьан сүрдээх элэккэй оҕо этэ. Дьэ, ол гынан улаатан эрэр оҕону оччоттон да ким да таба тайанан көрбөтөх бэйэтэ. Ити биир кыһалҕаттан. Билбиппит эрэ — сокуон көҥүллээбэт «эдэнииссэ» суох диэнтэн атыны билбэппит. Дьэ төттөрүтэ бэйэбит да сокуон хараҕын көрөбүт, ааҕабыт. Төһөлөөх инник талааннар инник симэлийэ сүтэн истэхтэрин Айбыт Таҥара эрэ билэ, көрө сырыттаҕа.
Мииччэ уола Нэгиэ