Сииттэҕэ аан дойду поэзиятын күнүгэр, Кыайыы 80 сылын көрсө, Кыайыы хоһооннорун уустаан — ураннаан ааҕыы тэрээһинигэр, «Чуораанчык» детсад иитиллээчилэрэ, Сииттэбит орто оскуолатын алын сүһүөх кылаастарын үөрэнээччилэрэ уонна нэһилиэкпит олохтоохторо көхтөөх кыттыыны ыллылар. Ол курдук оҕо уьуйаанын иитээччилэрэ Нария Алексеева, Мария Новгородова, Галина Гуляева кырачаан иитиллээччилэрэ, байыаннай таҥастарын таҥнан, биир тыынынан хоһооннорун олус боччумуран туран улахан дьон курдук аахтылар. Алын сүһүөх кылаас учууталлара Агафья Дьяконова, Евдокия Винокурова, Сардана Гуляеваны быстах кэмҥэ солбуйа сылдьар Сайыына Назаренко, Ульяна Петрова оҕолорун өрүү нэһилиэк иһинэн ыытыллар тэрээһиннэргэ көхтөөхтүк кытыннарар буолан, оҕолор номнуо сыанаҕа куттаммакка, кыбыстыбакка тахса үөрэнэн эрэллэрин көрөн киһи астынар.
Кэбээйибит улууһугар, хаһыс да сылын оҕолор талааннарын толору арыйар «Радуга талантов» күрэх, хоһоон ааҕыытын муҥутуур кыайыылаахтара, «Басханнар» диэн сурэхтэммит уолаттарбыт группалара (сал. Анна Сивцева) бүгүн да ис сурэхтэн иэйэн туран хоһооннорун дорҕоонноохтук аахтылар. Кэлбит дьон дохсун ытыс тыаһынан оҕолорбутун хас биирдии хоһооннорун арыаллаатылар. Тэрээһиҥҥэ кэлбит бар дьоммутун, эҕэрдэлээн туран Мария Захарова, Ольга Левина аахпыт хоһоонноро, истибит киьи барыта уйадыйа, долгуйа иҥэринэр дириҥ ис хоьоонноохтор. Бүгүҥҥү суолталаах тэрээһиммит, кырачааннарбытын, үүнэр ыччаттарбытын хайаан да элбэххэ үөрэппит, интириэһиргэппит буолуохтаах диэн эрэл санааттан, тэрийээччилэр ааттарыттан барҕа махталбытын тиэрдэбит. Бүгүҥҥү кыттааччыларбытыгар үөрэ — көтө сэмэй бэлэхтэрбитин туттартаатыбыт.
Марианна Сивцева