Сииттэбит нэһилиэгэр олохтоох баһылык Семен Тимофеев салайыытынан Кэбээйи улууһун баһылыгын экономикаҕа уонна социальнай хайысхаҕа солбуйааччыта Николай Докторов олохтоох нэһилиэк депутаттарын, тэрилтэ салайааччыларын кытта көрүстэ.
Мунньахха дойдубут үрдүнэн буолан ааспыт быыбарга көхтөөх кыттыыны ылбыт биир дойдулаахтарбытыгар махтанна. Бары билэрбит курдук Сахабыт сирин правительствотын чилиэннэрэ уонна миниистирдэр уларыйан саҥа састаап тэриллибитин, күүстээх улэ саҕаланарын туһунан билиһиннэрдэ.
Бары мустубут салайааччылары Кэбээйибит улууһун сайдыытыгар биир санааннан үлэлиэххэйин — хамсыаххайын диэн ыҥырда. Сииттэ нэһилиэгэ республика, улуус таһымыгар ыытыллар тэрээһиҥҥэ олус көхтөөҕүн, биир санааннан барытын кыайалларын бэлиэтээн махтал тыл бастыҥын анаата.
Олохтоох дьаһалта баһылыга Семен Тимофеевич республика, улуус таһымыгар туруорсар боппуруостара сытыытын, дьоһуннааҕын уонна туолан иһэрин үрдүктүк бэлиэтээтэ. Сүрүн боппуруостарынан сүбэ мунньахпытын эдэр ыччаты түргэнник ситэр салааҕа сыһыарыы боппуруоһа бастакыннан турда. Улуус өттүттэн хаһан баҕарар көмө, өйөбүл баар буоларыгар эрэннэрдэ. Анал араас элбэх программалар, хайысхаларга кыттарга эдэр ыччаттары ыҥырда. Сарсыҥҥы күнүгэр нэһилиэкпит биирдиилээн олохтоохторун боппуруоһугар болҕомтотун уурда. Приемҥа алта киһи киирэн кыһалҕаларын этиннилэр, сөптөөх хоруй ыллылар. Николай Николаевичка Сииттэ нэһилиэгин олохтоохторун ааттарыттан, көмөтүн, өйөбүлүн, болҕомтотун иһин улахан махталбытын тиэрдэбит.
Марианна Сивцева