Сииттэ нэһилиэгэр олохтоох дьаһалта уонна култуура үлэьиттэрин көҕүлээһиннэринэн «Үөрэнэ барарбар көмөлөс» үтүө акция бэрт тэрээһиннээхтик буолан ааста. Барыта 40-тан тахса олохтоох дьоммут бэлэхтэрин анал дьааһыкка көмө быһыытынан уктулар.
Хаһан баҕар буоларын курдук, үтүө санаа акциябытыгар ордук көхтөөх кыттыыны ыллылар В.Е. Колмогоров аатынан Сииттэ орто оскуолатын коллектива (директор А.В. Новгородов), олохтоох дьаһалта администрацията (баһылык Семен Тимофеев), «Чуораанчык» детсад коллектива (сэб. О.П. Александрова), олохтоох балыыһа коллектива (сэб. А.А. Павлова), А.В. Аргунов аатынан сынньалаҥ киинин үлэһиттэрэ, Почта России үлэһитэ Татьяна Новгородова, элбэх оҕолордоох дьиэ кэргэн Марианна, Иван Захаровтар, Мария, Прокопий Новгородовтар, бочуоттаах сынньалаҥҥа олорор, нэһилиэкпит көхтөөх дьиэ кэргэттэрэ Ольга, Вячеслав Поповтар, Мария, Борис Ивановтар. Сииттэ орто оскуолатын 9 кылааһын үөрэнээччилэрэ (кылаас салайааччыта Римма Винокурова) уонна нэһилиэкпит аарыма кырдьаҕаһа бары ыытыллар үтүө акциялары көтүппэккэ өйүүр Николай Каратаев уонна да атын нэһилиэкпит дьоно — сэргэтэ, көмө акцияны өйөөннөр махталбыт муҥура суох.
Акцияҕа киирбит үөрэх тээбириннэрин кылааһынан сылдьан Сииттэ орто оскуолатын үлэһиттэрин кытта Сардана Обутова, Римма Винокарова, олохтоох дьаһалта кылаабынай исписэлииһэ Мария Захарова, социальнай харалта исписэлииһэ Елена Васильева буолан, оҕолорбутугар үөрэхтэригэр ситиһиилээх буоллун диэн туран нэһилиэкпит олохтоохторун ааттарыттан үөрүүлээх быһыыга — майгыга туттардыбыт.
Марианна Cивцева