Сииттэлэр Кыайыы 80 сылын көрсө

Сииттэбит нэһилиэгэр Кыайыы 80 сылын көрсө тематическай биэчэр буолла. «Кыайыыга кынаттаабыт ырыалар… » диэн сэрии кэмигэр суруллубут ырыалары, хоһооннору, үҥкүүлэри толорон үүнэр ыччаттарбытыгар, бар дьоммутугар билиһиннэрдибит.


Бу тэрээьини олохтоох дьаһалта баһылыга Семен Тимофеев эҕэрдэ тылынан арыйда. Ону кытта сиэдэрэй Сииттэбит кэрэ айылҕатын, үүнэр ыччатын, төрөөбут дойдутугар истиҥ тапталын туһунан хоһуйан хаалларбыт Лааһар Охлопков хоһоонугар, төрөппүт оҕолоро мелодия таһааттаран, уостан түспэт ырыа гынан күөрэтэн, бар дьоннорун иннигэр ыллаан — туойан бэлэх ууннулар, төрөппүт кыыьа Мотрена Васильева уонна сиэнэ Марианна Захарова. Тэрээһиҥҥэ Сииттэ орто оскуолатын үөрэнээччилэрэ, учууталлара (дириэктэр А. Новгородов),» Чуораанчык» детсад иитиллээччилэрэ, иитээччилэрэ (сэбиэдиссэй Ольга Александрова), олохтоох дьаһалта специалистара А. Аргунова, А. Иванова, социальнай харалта улэһитэ Е. Васильева, ону кытта кэрэ — мааны куоластаах Галина Левина көхтөөх кыттыыны ыланнар, тэрээһиммитин өссө ордук дириҥ суолталаатылар. Бүгүҥҥү тэрээһиммитин байаан алыптаах тыаһынан киэргэттэ Варвара Левина. Варвара Левина байааҥҥа оҕо сааһыттан оонньуурга бэйэтэ үөрэммитэ, онтон ыла күн бүгүнүгэр дылы байаанын туппутунан илдьэ сылдьар, үтүө киһиннэн билинэбит. Олохтоох библиотека сэбиэдиссэйэ Мария Обутова уонна олохтоох култуура киин үлэһитэ Марианна Сивцева тэрээһини иилээн — са5алаан ыыттылар. Олус бэртээхэй, дириҥ суолталаах кинигэ быыстапката тэрилиннэ. Көхтөөх кыттыыны ылбыт бар дьоммутугар итии — истиҥ махталбытын тиэрдэбит. Бу тэрээһиҥҥэ кыралыын — улаханныын 67 киьи сылдьан, олус элбэҕи биллилэр — көрдүлэр диэн эрэнэбит.

Марианна Сивцева