Сииттэбит сиригэр уйгулаах ыһыахпытын ыһан, түһүлгэҕэ киирэн ыраастанан, арчыланан, кэлэр кыстыгы этэҥҥэ көрсөргө ийэ айылҕалыын алтыстыбыт, күүс — уох, сэниэ эбинэн сүргэбит көтөҕүллэн,санаабыт сайҕанан олоробут.
Бастатан туран махтаныам этэ эдэр ыччат оҕолорбутугар, кэнчээри кэлэр кэскиллэрбитигэр, эдэркээн ийэлэрбитигэр, көрдөһүүбүтүн ылынан күрэххэ кыттыбыт дьиэ кэргэттэрбитигэр Марианна, Иван Захаровтарга, Александра, Василий Сивцевтарга, кырачаан кэрэ — нарын кыталык кыттааччыларбытыгар Айталаана Гороховаҕа, Самира Налайдыроваҕа, Надя Сметанинаҕа. Уонна күүс — көмө буолбут, күрэхтэри көҕүлэһэн, кыттааччылары булан бырааһынньыгы киэргэппит түөлбэлэрбит салайааччыларыгар ис сүрэхтэн бука барыгытыгар махталбытын тиэрдэбит. Тэрээһиммитигэр олохтоох баһылыкпыт Семен Тимофеев дойдутун дьонун , самаан сайыны үөрэ — көтө, уруйдуу көрсөллөрүн туһугар анаан, Сахабыт Республикатын биллэр — көстөр ырыаһыттарын, саха эстрадатын маанылаах куоластарын Кылаан Кындылы уонна Иоган Матвеевы ыҥырыылаах ыалдьыт гынан ыҥыртаан, ыһыахпыт күнүн өссө киэргэтэн олохтоохтор үөрүүлэрэ, махталлара үгүс. Буолар бары тэрээһиннэргэ өрүү бастакыннан спонсордыыр олохтоох балыһабыт коллективыгар Мария Ивановаҕа, Татьяна Герасимоваҕа, Алина Павловаҕа уонна Екатерина Расуловаҕа, олохтоох урбаанньыттарбытыгар Софья, Андриан Николаевтарга, Константин, Елена Александровтарга, нэһилиэкпит киэн туттар, Герой ийэ Мария Иннокентьевна Сивцева оҕолоро туруорбут харчыннан бириистэригэр ис сүрэхтэн тэрийээччилэр ааттарыттан, бары спонсордарбытыгар өссө төгүл улахан да улахан махталбытын тиэрдэбит. Хаһыс да сылларын Мотрена, Семен Васильевтар ааттарынан бэртээхэй икки бириэмийэни туттараллара үгэскэ кубулуйда. Ол курдук сүөһүнү — аһы тэниччи иитэн , үүт аһы дэлэтэр, кэтэх хаһаайыстыбалары көҕүлүүр инниттэн анал бириэмийэни быйыл Николай Новгородов тутан үөрүүтэ улахан. «Ыал — ийэтинэн» диэн Мотрена Васильева анал аат бириэмийэтин тутта, детсад иитээччитинэн өр сылларга үлэлиир, элбэх оҕо амарах ийэтэ, эйэҕэс эбэтэ Галина Гуляева. Ити курдук элбэх наҕараадалар, бэлэхтэр быыстала суох туттарылыннылар, олохтоох дьаһалта баһылыга Семен Тимофеев юбилярдаах, нэһилиэк иннигэр сүүрэн — көтөн күүс — көмө буолар көхтөөх олохтоохторугар махтал суруктары уонна анал сувенирдары туттаран дьонун-сэргэтин олус үөртэ. Ыалдьыттарга анаан сахалыы астаах мааны остуолу тилэри тардан, нэһилиэкпит саастаах аҕаларын, аҕам саастаах ытык ыалларбытын, ыраахтан ыалдьыттыы кэлбит дьоммутун — сэргэбитин тото — хана аһатан, маанылаан эбиитин үтэлээн ыытарбыт үгэс буолбута ыраатта. Россияҕа дьиэ кэргэн сылыгар анаан, дьиэ кэргэн күрэҕэр кыттыбыттар бука бары 10 — нуу тыһ бэлэҕи харчыннан, бэлэҕинэн тутан үөрүүлэрэ, махталлара улахан. Кырачаан кыргыттарбытыгар анаан «Киэргэ» маҕаһыынтан олохтоох дьаһалта туруорбут 3-түү тыһ сууммалаах сертификаттары бэлэх ууннулар. Ону тэҥэ саха кыргыттарыгар уһун суһуоҕу пропагандалыыр, Мария Степановна Обутова туруорбут уһун суһуох анал номинациятын Самира Налайдырова тутан үөрүүтэ үгүс. Ханнык баҕарар ыһыах ыһыылаах-хаһыылаах, күөн көрсүүлээх, тилэх былдьаһыылаах, быыппастар быччыннардаах күрэҕэ суох ааспатын бары билэбит. Быйыл Сииттэбит сиригэр «Аҕа» сылынан биллэриллибитэ, ол чэрчитинэн » Быһый, сымса-бастыҥ аҕа» күрэх урдук таһымҥа ааста. Олохтоох дьаһалта үс миэстэҕэ «Учур» булт маҕаһыынтан 10-нуу тыһыынчалаах сертификаттары туруортаан аҕаларын көҕүлээбитин астына-дуоһуйа көрдүбүт. Мария Павловна, Лазарь Лазаревич Охлопковтар ыччаттара аҕаларга анаан бэрэбинэ көтөҕүүтугэр, сыал ытыытыгар уонна сүүрүүгэ «Учур» булт маҕаһыыныттан биэстии тыһыынчалаах сертификаттары туруоран нэһилиэкпитигэр биир бастакыннан холобур буоллулар. Охлопковтар сыдьааннарыгар, сырдыгы — кэрэни кэрэһэлиир ыччаттарыгар барҕа махтал буолуохтун. Олохтоох уолаттарбытын, аҕаларбытын өйөөн бары урбаанньыттар тэрээһиҥҥэ спонсордыылларынан хас биирдии киһи истэн—көрөн киэн туттар буолуохтаах, бу да сырыыга Эдуард Левин харчыннан күрэх кыттааччытыгар Алеша Аргунова бэлэх уунан олус үөртэ.
Онон нэһилиэкпит олохтоохторо истин ырыа иэйиилээх тыыныгар уйдардылар, тоҥолох — тоҥолохтон ылсан оһуокайдаан эйээрдилэр, уохтаах кымыс амсайдылар, үтэһэлээх эмис эт сиэтилэр, быыппастаҕас быччыннардаах аҕалар күрэхтэрин астына — дуоһуйа көрдүлэр, дойдубут дьонугар анаан тэриллибит тэрээһиммитигэр дууһалыын сынньаммыттара буолуо диэн эрэнэбит уонна үөрэбит.
Марианна Сивцева