Сииттэбит нэһилиэгэр бүгүн төрөөбүт тыл уонна сурук — бичик күнүгэр аналлаах олохтоох култуура дьиэтин үлэһиттэрин көҕүлээһининэн, сахалыы кэпсээннэри мүнүүтэҕэ ааҕыыга, бэртээхэй тыҥааһыннаах күрэх буолан ааста. Тэрээһиҥҥэ олохтоох дьаһалта сүрүн үлэһиттэрэ, ону кытта култуура киинин үлэһиттэрэ кыттыыны ыллылар. Барыта уончака күрэхтэһээччи, бары услуобуйаны тутуһан, дорҕоонноохтук, чуолкайдык, улаханнык ааҕан күрэҕи бэртик аастылар. Чорботон эттэххэ дьаһалта үлэтигэр үлэлии сылдьар исписэлиистэрбит киһи астынар гына кытыннылар. Ол курдук бастакы миэстэни Мария Захарова, иккис миэстэни Николай Захаров, үһүс бочуоттаах миэстэни Алексей Уваровскай тэрийээччилэр ааттарыттан бэлэх бастыҥын тутан махталлара улахан. Атын да кыттааччылар көрдөрүүлэрэ олус үчүгэй, кыраннан хаалан хааланнар, дьэ эһиил бэлэмнээх буолуохпут диэн баҕа санааларын тириэртилэр. Сахабыт тыла симэлийбэтин, тахсар литературата өрүү сайдан, бар дьон сэҥээриитин ылан өссө улаханнык дьон болҕомтотун ыларыгар баҕа санаабытын тириэртибит.
Марианна Сивцева