Сииттэбит сиэдэрэй сиригэр Аан дойду кэрэ аҥардарын эҕэрдэлиир тэрээһин олус көхтөөхтүк, бэһиэлэйдик буолан ааста. Тэрээһин үөрүүлээх арыллыытын олохтоох дьаһалта баһылыгын солбуйааччыта Петр Степанов эҕэрдэ тылынан арыйда. Сииттэбит эр хоһууттара кэрэ аҥардары бырааһынньыгынан эҕэрдэлээри, харчыннан кыттыһан бэртээхэй тэрээһини тэрийэн, Сииттэбит Далбар хотуттара олус астынан, махтанан олоробут. Минньигэс астаах фуршет, кыраһыабай туордунан күндүлээтилэр. Көрү — нары көҕүлүттэн туттубут, астына-дуоһуйа сынньанныбыт, үҥкүүлээтибит, ыллаатыбыт, бары кэриэтэ бэртээхэй бириистэрдээх дьиэбитигэр тарҕастыбыт. Манан сиэттэрэн Сииттэбит эр хоһууттарыгар умнуллубат, сэргэх киэһэни бэлэхтээбиккитигэр барҕа махталбытын тиэрдэбит. Инникитин өссө түмсүүлээх, сомоҕолоох буолун диэн алгыс баһын сыалыыбыт.
Марианна Сивцева
