Сииттэҕэ көмүс волонтердары чиэстээтилэр

Сииттэбит нэһилиэгэр «Саҥа сылы уруйдуох, айхаллыах!» диэн эргэ саҥа дьылы бэлиэтиир бэртээхэй тэрээһин буолан ааста. Тэрээһиммит бастакы түһүмэҕин Россияҕа уонна Саха Республикатыгар патриотизм сылларыгар олоҕуран, үс сыл устата, СВО-ҕа күүс-көмө буолбут Сииттэбит көхтөөх дьиэ кэргэттэригэр, олохтоох дьаhалта баһылыга Семен Тимофеевич махтал суруктары уонна сэмэй бэлэхтэрин туттартааһынынан бырааһынньыгы арыйда. Дойдутун дьонугар эйэҕэс эҕэрдэтин, баҕа санаа бастыҥын тириэртэ. Ханнык баҕар сынньалаҥ биэчэр, ырыата-тойуга, уҥкуутэ-битиитэ, көрдөөх курэҕэ, оонньуута суох ааспат. Сииттэбит дьоно-сэргэтэ олус сэргэх, бэһиэлэй, көхтөөх, талааннаах дьонунан биллэллэр. Бу киэһэ култуура улэһиттэрэ бэлэмнээбит аҕыс түһүмэхтээх бэһиэлэй курэҕэр кыттыыны ыланнар бары кэриэтэ бэртээхэй бэлэхтэри тутаннар, махтанан, үөрэн- көтөн тарҕастылар. Сииттэбит нэһилиэгэр 2025 сылы » Үйэтитии» сылынан биллэрдибит. Онон нэһилиэкпитигэр Кыайыы 80, Патриотизм сылларыгар аналлаах улахан хамсааһыннар буолаллара күүтүллэр. Ити курдук Патриотизм сылыгар аналлаах «Көмүс волонтердарбытын» чиэстээһинтэн саҥа сылбытын арыйдыбыт. Саҥа кэлбит сыл үтүөнү, кэрэни, сырдыгы уонна Кыайыыны эрэ тустээтин диэн алгыс баһа сыалыыбыт.

Марианна Сивцева