Бүгүн дьиэ кэргэн, таптал уонна эрэл күнүн, «Сайдыс» култуура дьиэтин иһинэн тэриллибит, лааҕырбыт оҕолорун кытта бырааһынньыгы уөрэн -көтөн туран бэлиэтээтибит.
Оҕолорбут хас биирдии керсубут олохтоохторугар, таптал уонна эрэл бэлиэтин «ромашка» сибэккилэри уруһуйдаан, баҕа санааларын толору суруйан туран бэлэх ууннулар. Бүгүҥҥу улахан тэрээһиммитигэр, Вера, Николай Павловтар дьиэ кэргэттэрин ис сүрэхтэн бырааһынньыгынан эҕэрдэ эриэккэһин тиэртибит. Россияҕя дьиэ кэргэн сылыгар сөп түбэһэн, Павловтар дьиэ кэргэттэрэ быйыл бииргэ олорбуттара 60 сыллаах өрөгөйдөөх үбүлүөйдэрин үөрүүлээх быһыыга бэлиэтээбиттэрэ. Кинилэр элбэх оҕолордоох, сиэннэрдээх, хос сиэннэрдээх саха мааны, бастыҥ ыаллара. Нэһилиэкпитигэр киһи киэҥ туттар саха мааны ыала элбэх. Оннук биир бастыҥ, тарбахха баттанар дьиэ кэргэнинэн буолаллар Александровтар дьиэ кэргэттэрэ. Ыал ийэтэ Марфа Ивановна Александрова, быйыл 70 сааһын томточчу туолбута. Марфа Ивановна лааҕырбыт оҕолорун сахалыы таҥастаах, саҥа тутуллубут сахалыы балаҕаныгар, саһарчы буспут алгыстаах, сылаас, минньигэс алаадьылаах көрүстэ. Саха ыалын сиэринэн сахалыы сандалы остуол тардан чэйдэттэ, маанылаата. Оҕолор олус астынан — махтанан тарҕастылар. Убаастабыллаах дьоммутугар олохтоох дьаһалта уонна култуура дьиэтин үлэһиттэрин ааттарыттан бэйэбит сэмэй бэлэхпитин туттардыбыт.
Марианна Сивцева