Сииттэбит нэһилиэгэр саҥа сылы көрсө, олохтоох баһылык Семен Тимофеев бирииһигэр, эр дьоҥҥо аналлаах бильярд күрэҕэ буолан ааста. Курэххэ барыта 12 эр бэртэрэ күөн көрүстүлэр. Күрэҕи иилээн — саҕалаан ыыттылар, аҕа сүбэтин салайааччыта Николай Захаров уонна олохтоох дьаһалта баһылыгын солбуйааччыта Петр Степанов.
Көхтөөх кыттааччыларбытыгар анаан, олохтоох дьаһалта баһылыга бэртээхэй бириистэри туруорда. Ол курдук бастакы миэстэни нэһилиэкпит уопуттаах билийээрдьитэ Владимир Александров, иккис миэстэни Прокопий Степанов, үһүс бочуоттаах миэстэни Виктор Кривошапкин ыланнар астынан, махтанан тарҕастылар. Улахан махталбытын тиэрдэбит нэһилиэкпит көхтөөх аҕаларыгар, эһэлэригэр уонна уолаттарыгар. Дьэ ити курдук Сииттэбит нэһилиэгэр бэртээхэй тэрээһиннэринэн саҥа сылбыт саҕаланнылар диэн, бар дьоммутун өссө төгүл эҕэрдэлээн туран, бары ыытыллар тэрээһиннэргэ көхтөөх кыттыыны ылыаххыт диэн эрэнэ күүтэбит.
Марианна Сивцева
