Култуура киинин иһинэн Сииттэбит нэһилиэгэр кырачааннарбытыгар аналлаах лааҕырбыт үлэлээбитэбыйыл номнуо бэһис үбүлүөйдээх сылын туолла. Манна алта саастарыттан үөһэ оҕолор сылдьаллар.
Сыл аайы сылдьыан баҕалаах оҕолорбут элбээн иһэллэрэ киһини үөрдэр. Оҕолор сарсыарда 10 чаастан күнүс 1 чааска дылы оонньоон-көрүлээн, күрэхтэһэн, хамсанан-имсэнэн олус сэргэхсийэн бараллар. Күн аайы лааҕырбыт темата уларыйа турар. Бары билэргит курдук аныгы олох сайдыыта тэтимнээхтик ааһар, кинилэр баҕаларын өрө тутаммыт, санааларын толороммут күннээҕи темабыт уларыйа турар.Лааҕыр 20 хонук устата үлэлиир. Барыта 22 оҕо сылдьан, үс чаас кэриҥэ элбэххэ үөрэнэр, аралдьыйар. Бу күннэргэ лааҕырбыт үөруулээх арыллыыта буолан ааста. Тугэнинэн туһанан, арыллыыбыт тэрээһинин ахсыс сылын Дети Азии»норуоттар икки ардыларынаа5ы VIII оонньууларыгар сөп түбэһиннэрэн ыыттыбыт. Бу күн олохтоох бибилэтиэкэсэбиэдиссэйэ Мария Обутова оҕолорбутугар анаан олус бэртээхэй бэсиэдэ оҥорон, элбэҕи кэпсээтэ, билиһиннэрдэ. Олохтоох дьаһалта баһылыгын аатыттан, дьаһалта исписэлииһэ Мария Захарова эйэҕэс, истиҥ эҕэрдэтин кырачааннарбытыгар анаан тириэртэ. Култуура улэһиттэрэ оҕолорбутун минньигэс туордунан, утахтарынан күндүлээммит, бу күн бырааһынньыгы өссө сэргэхситтибит, киэргэттибит. Дьэ, бу кэнниттэн оҕолорбутугар аналлаах, көхтөөх спортивнай күрэхтэргэ, сытыы киирсиилээх түгэннэри көрдөрөн ким кыайыылаах, ким хотторуулаах араас хамсаныылары көрөөччүлэрбитигэр бэлэх ууннубут. Мас тардыһыытыгар, хапсаҕайга, сүүрүүгэ бастаабыт оҕолор мэтээллэринэн, грамоталарынан бэлэх тутан, олус астынан тарҕастылар. Билигин да былааммыт улахан, төрөөбүт улууспутугар Олоҥхо ыһыаҕа буоларынан сибээстээн, кырачааннарбытыгар анаан фольклор эйгэтигэр сыһыарар инниттэн араас үлэ ыытыллан эрэрэ үөрдэр. Оҕолор олоҥхоттон быһа тардан үөрэтиэхтэрэ, билиэхтэрэ-көрүөхтэрэ. Дьэ, ити курдук Сииттэбит нэһилиэгэр кыра да буоллар, оҕолору сэргэхситэр, аралдьытар лааҕыр улэлииригэр төрөппүттэр махталлара улахан. Аҕыйах да бириэмэҕэ төлөпүөнтэн арахсан, бэйэ-бэйэлэрин кытта алтыһан, сибиэһэй салгыҥҥа оонньоон-көрүлээн сылдьаллара олус туһалаах.
Марианна Сивцева