Бука бары билэрбит курдук Саха Республикатыгар Оҕо сылын биллэрбиттэрэ. Онно сөп түбэһиннэрэн оҕо сынньалаҥын сөптөөхтүк тэрийэр инниттэн Сиитэбит култууратын дьиэтин иһинэн «Сайдыс» оҕо лааҕырын үлэлэтэн ыыттыбыт. Барыта 22 оҕо сылдьыбытыттан, сорохтор баран-кэлэн, барыта 17 оҕо лааҕыры түмүктээтэ.
Оҕолор лааҕырга сылдьан бары биир дьиэ кэргэн курдук олус эйэлээхтик оонньоон — көрүлээн, элбэххэ үөрэннилэр, астына — дуоһуйа сынньаннылар. Лааҕырбыт күннээҕи темата иитиллээччилэрбитин интэриэһиргэтэр гына күн аайы сонунтан — сонун, саҥа былааннарынан уларыйа турар. Бүтэһик күммүтүгэр бука бары походка баран, алта көрүҥ күрэхтэргэ кыттыыны ыллылар. Оҕолорбут дьиҥнээх мэдээллэри түөстэригэр кэтэн, улахан дьоннуу үөрдүлэр — көттүлэр, бары олус дьоһуннаахтык кыттыннылар, онон оҕолорбутугар махталбыт улахан.
Лааҕыр тэриллибитэ сэттис сыла, ол гынан баран толору үлэлээбитэ үбүлүөйдээх бэһис сылбытын толору туоллубут. Олохтоох дьаһалта баһылыгар Семен Тимофеевка, баһылык солбуйааччытыгар Петр Степановка бары ыытыллар үлэбитигэр — хамнаспытыгар, тэрээһиммитигэр улахан өйөбүлгүтүгэр улахан махталбытын тиэрдэбит.
Маны таһынан Сииттэтээҕи култуура дьиэтин үлэһиттэрэн аатыттан истиҥ махталбытын тиэрдэбит лааҕырбытын өрүү өйүүр, өйдүүр төрөппүттэрбитигэр. Оҕолорбутугар баҕарыа этибит үөрэхтэригэр ситиһиилэри, дьоллоох оҕо сааһы, чэгиэн доруобуйаны.
Марианна Сивцева.