Кэбээйи нэһилиэгин «Кустук» оҕо саада экологическай хайысхаҕа кыахтаахтык үлэлиир. Дьыл кэмиттэн тутулуга суох кырачаан иитиллээччилэр айылҕаны, көтөрү-сүүрэри, оту-маһы харыстыырга, бүөбэйдииргэ, тулалыыр эйгэҕэ уратытык сыһыаннаһарга анал иитии-үөрэтии бырагыраама таһынан акциялары тэрийэн ыыталлар. Бу акциялар оҕо өйүгэр-санаатыгар дириҥник иҥэр.
Билигин айылҕа уһуктан, күөх киистэтин анньынан турар кэмигэр, оҕо саадын иитиллээччилэрэ иитээччилэрин кытта дьон-сэргэ сөбүлээн тоҕуоруһар, сынньанар сиригэр, ньургуһун сибэкки тыллан турар кэмигэр, нэһилиэк аттынааҕы баар мырааҥҥа тахсаннар айылҕаны харыстааһын акцияларын ыыттылар. Бу үгэскэ кубулуйбут акция төрөппүт көмөтө суох ааспата чуолкай. Онон дьиэ иһинээҕи киһи барыта кыттарын тэҥэ буолар.
Иитиллээччилэр айан суолун кытыытыгар плакаттары астылар, эбэлэрин аһаттылар уонна сиргэ тахсыбыт сиэринэн аһаан баран бөхтөрүн мунньан дьиэҕэ аҕалан мусорга бырахтылар.
Бу тыаҕа тахсыы оҕолорго үтүө суолу-ииһи хаалларар хабааннаах ыытылынна.
Татьяна Максимова-Лазарева