Ахсынньы аам-даам тымныытын аахсыбакка Николай Петрович Егоров аатынан Мастаах орто оскуолата хас да сыл тохтоон турбут тапталлаах, кэтэһиилээх үһүс төгүлүн «КВН» күрэҕин оскуола оҕолоругар ыытта.
Бу күрэскэ 4 хамаанда күөн көрүстэ. Ол курдук, Мукучу икки хамаандата, Мастаах, Баҕадьа саамай саҥалаах-иҥэлээх, көрдөөх-нардаах, булугас өйдөөх, бэһиэлэй оҕолору түмэн доҕордоһуу киэһэтин бэлэхтээтилэр. Бүгүн биһиэхэ ыалдьыттыы кэллилэр Иван Егорович Левин аатынан Танара орто оскуолатын хамаандата. «Сайылык ыччаттара», «Спортивные лепёшки» Баҕадьа хамаандата, Мастаах орто оскуолата.
Бүгүҥҥү сынньалаҥ киэһэни дьүүллүүр сүбэ сыаналаата, ол курдук, Сайылык искусство дьиэтин эбии үөрэхтээһин педагога Эдуард Захаров, Ариан Дьяконов, Степан Васильев аатынан норуот айымньытын директора, Лена Михайлова эдэр ыччат лидерэ. Хамаандалар 5 түһүмэххэ күрэхтэстилэр.
- Хамаанданы билиһиннэрии
- Чөл олох аныгы үйэ аргыһа музыкальнай биэрии
- Реклама
- Разминка
- Киһи олоҕо дьиҥ сиэрэ чөл турук капитаннар күрэхтэрэ.
Ити курдук 5 түһүмэхтэринэн оҕолорбут кииристилэр. Хамаандалар илин-кэлин түсүһэн оонньоотулар. Онньуу үрдүк таһымҥа өрө күүрүүлээхтик ааста.»КВН» барыларын түмэр аналлааҕын бигэтик көрдөрдө. Бу күрэҕи иилээн -саҕалаан ыытта Татьяна Николаевна Михайлова.»КВН» — диэн бастатан туран, киһи бэйэтэ сөбүлээн оонньуур дьарыга буолар. Баҕалаах оҕо хаһан баҕар киирэн, талаанын көрдөрүөн сөп. Ол эн сатаан тугу да билбэккин, кыайбаккын игин диэн манна суох, эн баҕалаах эрэ буол — квн аана хаһан баҕарар аһаҕас. КВНҥа элбэх доҕоттордоноҕун, умнуллубат кэрэ түгэннэри бэлэхтиир. Дьэ, саамай долгутуулаах чааспытыгар тиийэн кэллибит. Дьүүллүүр сүбэ быһаарыытынан 3 Үрдэл — «Спортивные лепёшки», Баҕадьа хамаандата. 2 Үрдэл — Мастаах хамаандата, 1 Үрдэл — Мукучу хамаандата буоллулар. Кылаан чыпчаал «Сайылык ыччаттара» Мукучу хамаандата бастаата уонна кубогынан наҕараадаланна. Үөрүүлэрэ үрдээн инникилэригэр улахан олук ууран дьаныардаах, күүстээх бэлэмнэнии түмүгүнэн ылары ситистилэр.
Кырдьык даҕаны сыралаах үлэттэн, олус элбэх бэлэмнэнииттэн тахсар. Махтаныа этибит бэлэмнээбит учууталларга, бу күрэҕи тэрийсибит оскуолабыт кэлэктиибигэр уонна кэлэн кыттыбыт хамаандаларбытыгар. Оҕолорбутугар саҥа сыл сонунтан сонун арыйыылары, ситиһиилэри эрэ түстээтин.
Сардана Жакипова, Мастаах бөһ.