Бу үөрүүлээх бэлиэ күн көлүөнэттэн көлүөнэҕэ бэриллэр, хас биирдии киһиэхэ улахан долгутуулаах, үйэ саас тухары өйдөбүл буолан хаалар. Билии күнүгэр саҥа аартыктар арыллаллар, кэрэҕэ сырыдыкка билиигэ-көрүүгэ ыҥыраллар.
Балаҕан ыйын 1 күнүгэр Лүксүгүннээҕи ситэтэ суох сүрүн оскуолаҕа 5 оҕо аан бастаан оскуола киэҥ аартыгар үктэннилэр. Оскуола директора Алена Дьяконова саҥа киирбит оҕолор бирикээстэрин билиһиннэрдэ. Үөрэнээччилэргэ оскуола коллективын, төрөппүттэр уонна олохтоох дьаһалта ааттарыттан эҕэрдэ тыллар этилиннилэр, бэлэхтэр туттарылыннылар. Кылаас салайааччытынан эдэр кэскиллээх учуутал Сардана Шестакова ананна.
Быйылгы үөрэх дьылыгар оскуолабытыгар уопсайа 45 оҕо үөрэнэрэ бигэргэннэ. Саҥа үөрэх дьыла саҥа саҕахтары, элбэх ситиһиилэри аҕалыахтын!
Светлана Аржакова