Хайдахтаах да тымныы дьыбар, хайдахтаах да силлиэ буурҕа кыайбаттар күн уоттаах тапталы…
Муус устар 13 күнүгэр Кэбээйи улууһун Мукучу нэһилиэгин » Дайан» сынньалаҥ киинигэр ырыа түһүлгэтэ ыраахтан-чугастан ыалдьыттары түмэ тарта. Ол курдук, Саха эстрадатыгар чиҥник үктэммит чаҕылхай сулус Анна Павлова сырдык аатын үйэтитэр «Күн уоттаах таптал…» республиканскай ырыа күрэҕэр Верхоянскай, Абый, Уус-Алдан, Таатта, Горнай, Бүлүү, Кэбээйи улууһуттан уопсайа 17 ырыа куттаах 15-35-гэр диэри саастаах ыччат дьоммут кыттыыны ыллылар.
Бииртэн биир чаҕылхай ырыаһыты сыаналаатылар Саха өрөспүүбүлүкэтин культуратын үтүөлээх үлэһитэ, самодеятельнай композитор, Оҕо искусства оскуолатын салайааччыта Роман Константинович Степанов, Оҕо искусства оскуолатын уһуйааччыта, мелодист Татьяна Ивановна Абрамова, Мукучубут ырыа куттаах дьиэ кэргэнин ураты кэрэ куоластаах ырыаһыта, Степан Семенов аатынан «Мин ырыам бүтэһик матыыба» ырыа күрэҕин Гран-при хаһаайына Клементина Борисовна Каримова, Оҕо искусства оскуолатын Мастаахтааҕы филиалын фольклор салаатын уһуйааччыта, Саха өрөспүүбүлүкэтин культуратын туйгуна Сардана Константиновна Жакипова, Дьокуускай куораттан 2018 сыллаах Үрдэл бириэмийэ кыайыылааҕа, Аҕыйах ахсааннаах омуктар театрдарын артыыһа Кэскилээнэ Олеговна Туприна.
Күрэх түмүгүнэн анал ааттары, дипломаннары, лауреаттары уонна Гран-при үрдүк аатын ыллылар: «Эдэр кыттааччы» — Мастаах нэһилиэгиттэн Каролина Саввина (Сардана Константиновна Жакипова анал бирииһэ — мебель),«Кэскиллээх ырыаһыт» — Мастаах нэһилиэгиттэн Сахайаана Охлопкова(1979 сыллаах выпустар 16 тыһыынча харчынан анал бириис), «Ырыа кынаттаах» — Мастаах нэһилиэгиттэн игирэ кыргыттар Эльвира, Эвелина Яковлевалар (Кэбээйиттэн Евдокия, Иван Андреевтар кыыстара Вера анал бирииһэ — гриль), «Кэрэхсэбиллээх ырыаһыт» — Бэрдьигэстээх нэһилиэгиттэн Саяна Александрова (эбээлэрэ Анастасия Петровна уонна аҕата Дмитрий Серафимович бииргэ төрөөбүттэрин дьиэ кэргэттэрин Золотник маҕаһыыныттан 10 тыһыынча сууммалаах сертификат), «Дохсун куолас» — Бүлүү куоратыттан Афанасий Каратаев (Оҕо искусство оскуолатын анал бирииһэ — портативнай колонка), «Үйэлээх ырыа» — Мастаах нэһилиэгиттэн Ариан Дьяконов (эбээлэрэ Марина Николаевна уонна оҕолорун Уваровскайдар, Семеновтар, Андреевтар, Ивановтар дьиэ кэргэттэрин Xiomi аныгы өйдөөх фирматын пылесоһа), «Эрчимнээх ырыаһыт» — Балаҕаччы нэһилиэгиттэн Сергей Иванов (Людмила Геннадьевна Каратаева оҕолорун анал бирииһэ — блендер, ону тэҥэ СССР культуратын туйгуна, үлэ ветерана, Кэбээйи улууһун бочуоттаах олохтооҕо, Саха өрөспүүбүлүкэтин культуратын үтүөлээх үлэһитэ Люция Васильевна Кириллова анал бирииһэ), «Намыын куолас» -Баҕадьа нэһилиэгиттэн Алина Саввина (Вера Константиновна куораттааҕы дьүөгэлэрин анал бирииһэ — вафельница), «Дьиэ кэргэн истиҥ махтала» — Бэрдьигэстээх нэһилиэгиттэн «Куорунай Куо» вокальнай ансаамбыл (Анна Павлова бииргэ төрөөбүт балыстарын, бырааттарын «Уруу» көмүс маҕаһыынтан 20 тыһыынчалаах сертификат, ону тэҥэ Кэбээйиттэн Евдокия, Иван Андреевтар анал бириистэрэ — отпариватель), «Иэйиилээх ырыаһыт», «Көрөөччү биһирэбилэ», III-һүс Дипломант-Арыылаах нэһилиэгиттэн Руслан Иванов («Мукучу нэһилиэгэ» МТ анал бирииһэ — паровой өтүүк, Вера Константиновна Мукучутааҕы дьүөгэлэрин анал бирииһэ — индукционнай плита, эдьиийдэрин Екатерина Ивановна Иванова оҕолорун, сиэннэрин анал бирииһэ — гриль, ону тэҥэ Май Иванович Иванов оҕолорун 14 тыһыынча суммалаах «Мой кейс» маҕаһыыныттан сертификат), II-кис Дипломант — Бэрдьигэстээх нэһилиэгиттэн Кыдаана Ефремова (Вера Константиновна бииргэ үөрэммиттэрэ 16 тыһыынча суммалаах М-Видео маҕаһыыныттан сертификат), «Кэрэ куолас», I-кы Дипломант -Верхоянскай улууһуттан Виктория Домнина (Бэрэттимэй аҕа ууһа Антон Иванов «Добун» студиятыгар 12 тыһ. аранжировка, 6 тыһ. куолас устуутугар анал бириис, эдьиийдэрэ Екатерина Ивановна Иванова оҕолорун, сиэннэрин анал бирииһэ — хлебопечь), «Ымыылаах ырыаһыт, III-һүс Лауреат Мукучуттан-Сахая Белолюбская (Саха Өрөспүүбүлүкэтин культуратын туйгуна Роман Степанов анал бирииһэ, ону тэҥэ «Дайан» СК анал бирииһэ — мебель), «Бастыҥ авторскай ырыа», II-кис Лауреат-Абый улууһуттан Люция Жиркова («Кэнчээри» оҕо уһуйаанын анал бирииһэ, Вера Прокопьева анал бирииһэ — мебель, ону тэҥэ Анна Павлова убайа Максим Никифоров 20 тыһыынча суммалаах М-Видео маҕаһыынтан сертификат), «Ураты көстүү», «Күрэх арыйыыта», I-гы Лауреат — Таатта улууһуттан Валерий Мордовской (Кыһыл Кэбээйи — Кобяковтар аймах Профессиональнай хаартыскаҕа түһүүгэ сертификата, Жирковтар, Новиковтар аймах анал бириистэрэ — мультиварка, ону тэҥэ Анна Павлова бииргэ үөрэммиттэрэ 2008 сыллаах выпустар 30 тыһыынча суммаҕа ДНС маҕаһыын сертификата), «Чуор куолас» уонна Гран-при үрдүк аатын Уус-Алдантан улууһуттан Геннадий Румянцев ылан Людмила Геннадьевна Каратаева анал бирииһэ иһит наборунан, ону тэҥэ Вера Константиновна, Дмитрий Серафимович Ивановтар дьиэ кэргэн анаабыт аныгы үйэ бастыҥ тэрилэ ноутбук бирииһин тутта.
Маны сэргэ Дькуускай куораттан кэлэн күрэххэ сыанабыл сүбэтигэр үлэлээбит Кэскилээнэ Тупринаҕа эдьиийдэрэ Марина Даниловна аныгылыы телефон иитэр тэрилин бэлэх ууннулар, онтон күрэҕи бэйэтин үҥкүүтүнэн киэргэппит Саха өрөспүүбүлүкэтин культуратын туйгуна, аҕыйах ахсааннаах хотугу омуктар театрдарын солистката Марина Ивановаҕа Клавдия Андреевна, Кирилл Данилович Ивановтар дьиэ кэргэн оҕолорун блендер бэлэҕин утары ууннулар.
Бу күрэх ыытылларыгар улахан махталбытын Вера Константиновна, Дмитрий Серафимович Ивановтар дьиэ кэргэҥҥэ, кинилэр оҕолоругар ону тэҥэ анал бириистэри туруоран күүс-көмө буолбут нэһилиэкпит тэрилтэлэригэр, аймахтарыгар, үөлээннээхтэригэр, доҕотторугар, дьүөгэлэригэр тиэрдэбит!
Истигэн сүрэхпитин курдаттаан, ис куппут кылын таарыйан «Күн уоттаах таптал…» көмүс утах, сырдык сардаҥа буолан хас биирдиибит сүрэҕэр Анюта-Анна Павлова сырдык аата ааттана турдун, үйэлэргэ умнуллубатын!
Вера Прокопьева, Мукучу.