Олунньу ый 14-17 күннэригэр Кэбээйи нэһилиэгэр «Надежный тыл» иис сыаҕа «Илии сылааһа» III Республиканскай конкурс II этабыгар ситиһиилээхтик кыттан биэс бириистээх миэстэ иһинэн тиксэннэр, промышленнай массыынанан наҕараадаланнылар.
Хамаандаҕа баар кыргыттарга, хас биирдиилэригэр улуус баһылыга Иван Левин уонна нэһилиэк баһылыга Илья Левин эҕэрдэлээн туран, махтал суруктарын туттардылар.
Кулун тутар 11 күнүгэр «Надежный тыл» иис сыаҕар Кэбээйи орто оскуолатын бүтэрбит 36-с выпустан «Кыайыы туһугар» эстафета палочкатын туппут 47-с выпуск ыалдьыттаата уонна сыах материальнай базата бөҕөргүүрүгэр көмө харчыларын туттардылар. Бу маннык «Кыайыы туһугар!» эстафета кыттыылаахтарыгар махтанабыт уонна киэн туттабыт.
Биһиги нэһилиэкпит тэрилтэлэрэ, олохтоохторо ханнык баҕар үтүө дьыалаҕа биир санаанан түмсүүлээхтик уонна көхтөөхтүк кытталлара үөрдэр, эрэл кыымын саҕар. Буойуттарбыт дойдуларыгар кыайыы көтөллөөх эргиллэн кэлэллэрин эрэнэ кэтэһэбит.
Венера Лугинова