Куокуйга Комсомол күнүгэр аналлаах тэрээһин буолла. Манна кыттыыны ыллылар «Угуйаан» култуура дьиэтин үлэһиттэрэ, олохтоох библиотека, оскуола библиотекардара, В.Н. Спиридонова, А.П. Павлова, аҕам саастаах дьон салайааччылара Н.Е. Олесова, «Луҥха долгуннара» үҥкүү бөлөҕө, урукку комсомолецтар.
Урукку хаартыскалары көрүү, истиҥ кэпсэтии, санаа үллэстии, 70-80-с сыллардааҕы көрдөөх маассабай оонньуулары көрөн, истэн олус сэргээтибит. Блиц-турнир викторинаҕа кыттыбыттар бары приз ылан астыннылар. Тэрээһин итии чэйдээх ыытылынна, музыканнар Павел Иванов, Дмитрий Сметанин эдэр саас ырыаларын баяҥҥа доҕуһуоллаан иһитиннэрдилэр. Комсомолга анаммыт тэрээһин уопсай хор ырыатынан түмүктэннэ.
Варвара Спиридонова