Бу күннэргэ Дьокуускай куоракка «Ярмарка-продовольствие — 2024» биэс күн устата Комсомольскай болуоссакка ыытылынна. Онно Кэбээйи улууһуттан үрүҥ аһы оҥорон таһаарааччылар СПК “Томтор” уонна СХПССК “Ворошилов”, ону кытта оҕуруот аһынан, айылҕа отунан-маһынан араас оҥоһуктарынан Кэбээйи орто агро оскуолата уонна Лүксүгүнтэн, Арыктаахтан кэлэннэр кэбээйилэр киэҥ туттар көмүс хатырыктаах собобутун куорат олохтоохторугар, ыалдьыттарыгар үөрэ-көтө атыылаатылар.
6х5 размердаах шатеру арендалаан, 5 күннээх атыы-эргиэн буолан ааста. Кэбээйилэр аҕалбыт продукциябытын барытын кэриэтэ дьон-сэргэ атыыластылар. Бу дьаарбаҥкаҕа биһиги аҥардас атыыбытын эрэ атыылыы буолбакка, атын улуустары кытта опыт атастаһан, тугу атыны дьарыктаналларын билэн-көрөн тарҕастыбыт.
Ону таһынан АГАТУ ипподромугар ат сүүрдүүтэ буолла, араас семинардар, маастар кылаастар ыытылыннылар.
Анна Ионова