Дьокуускай куоракка бэс ыйын 25 күнүттэн от ыйын 7 күнүгэр диэри »Азия оҕолоро» оонньуу ыытылла турар. Ол курдук араас дойдуттан кэлбит маанылаах ыалдьыттарга анаан араас тэрээһиннэр ыытылла тураллар.
Бу үөрүүлээх, түмсүүлээх »Орто Азия» сир-дойду оҕолорун сомоҕоһууларынан итиитик-истиҥник сахалыы сайаҕас, эдэрдии эйэҕэс эҕэрдэбитин тиэрдэбит.
Биһиги кэрэ кэскил кыраайдаах Кэбээйибит улууһун талба талааннаахтара, айар дьоҕурдаахтара бу кэрэ кэммитин кутуллар тойугунан, дьиэрэйэр ырыабытынан, чыып-чаап чабырҕахпытынан, ойутар оһуокайбытынан айхаллыы кэллибит. Ол курдук Кэбээйи улууһун «Олоҥхо дойдутун түһүлгэтэ» диэн кэнсиэрбит саҕаланна. Кэнсиэрпитин иилээн-саҕалаан ыытта Клим Эверстов. Сахалыы үҥкүүнэн арыйдылар «Тэлээрис» оҕо ансаамбыла, уус-уран салайааччы Александра Николаевна Харлампьева. »Мүлдьү Бөҕө» Иван Николаев — Куоҕас Уйбаан олоҥхотуттан кылыһахтаах куолаһынан туойда Антон Петров. Фольклор көрүҥнэриттэн дьүһүйүүнү толордулар Сайылыктааҕы оҕо ускуустубатын оскуолатын уһуйуллааччылара, «Айдарыы» ансаамбыл салайааччы С.К.Жакипова. Салгыы ырыаны ымыы оҥостон илдьэ сылдьар ырыа куттаах ырыаһыттарбыт Аина Михайлова, Пётр Кычкин ырыаларын бэлэх ууннулар. «Кыл кырыымпа» бөлөх толоруутугар норуот ырыаларыттан попурри ылланна, салайааччы Саха Өрөспүүбүлүкэтин үөрэҕириитин туйгуна Ирина Кобякова.
Иккис күн «8-с төгүлүн ыытыллар «Азия оҕолоро» оонньууларын чэрчитинэн ыытыллар оҕолорго «Чыпчаал» фестиваль кыттыылаахтарын өрөспүүбүлүкэ «Олоҥхо дойдутун талааннара» күрэҕин бастыҥнара кыттыылаах улахан кэнсиэр буолла. Сунтаартан, Бүлүүттэн, Муоматтан, Ньурбаттан, Дьокуускайтан талааннаах оҕолор ырыаларынан-тойуктарынан, үҥкүүлэринэн, хоту улуустар сээдьэлэринэн көрөөччүлэри сэргэхситтилэр.
Кэбээйи улууһун Мастаахҕыттан 15 оҕо кыттыыны ылла. Биһиги оҕолорбут бу тэрээһиннэргэ көхтөөхтүк кытыннылар. Ол кэннэ »Кинигэ киэһэтэ» Норуоттар икки ардыларынааҕы дьаарбаҥка буолла. Элбэх киһи бу тэрээһиҥҥэ тоҕуоруһа муһунна. Оҕолорбут маастар кылаастарга, мүнүүтэҕэ кинигэ ааҕыытыгар сырыттылар, сэргээтилэр.
_Кэбээйилэр_ _маанылаах_ _үрдүк_ _тэрээһиҥҥэ_
Дьокуускай куоракка бэс ыйын 25 күнүттэн от ыйын 7 күнүгэр диэри »Азия оҕолоро» оонньуу ыытылла турар. Ол курдук араас дойдуттан кэлбит маанылаах ыалдьыттарга анаан араас тэрээһиннэр ыытылла тураллар.
Бу үөрүүлээх, түмсүүлээх »Орто Азия» сир-дойду оҕолорун сомоҕоһууларынан итиитик-истиҥник сахалыы сайаҕас, эдэрдии эйэҕэс эҕэрдэбитин тиэрдэбит.
Биһиги кэрэ кэскил кыраайдаах Кэбээйибит улууһун талба талааннаахтара, айар дьоҕурдаахтара бу кэрэ кэммитин кутуллар тойугунан, дьиэрэйэр ырыабытынан, чыып-чаап чабырҕахпытынан, ойутар оһуокайбытынан айхаллыы кэллибит. Ол курдук Кэбээйи улууһун «Олоҥхо дойдутун түһүлгэтэ» диэн кэнсиэрбит саҕаланна. Кэнсиэрпитин иилээн-саҕалаан ыытта Клим Эверстов. Сахалыы үҥкүүнэн арыйдылар «Тэлээрис» оҕо ансаамбыла, уус-уран салайааччы Александра Николаевна Харлампьева. »Мүлдьү Бөҕө» Иван Николаев — Куоҕас Уйбаан олоҥхотуттан кылыһахтаах куолаһынан туойда Антон Петров. Фольклор көрүҥнэриттэн дьүһүйүүнү толордулар Сайылыктааҕы оҕо ускуустубатын оскуолатын уһуйуллааччылара, «Айдарыы» ансаамбыл салайааччы С.К.Жакипова. Салгыы ырыаны ымыы оҥостон илдьэ сылдьар ырыа куттаах ырыаһыттарбыт Аина Михайлова, Пётр Кычкин ырыаларын бэлэх ууннулар. «Кыл кырыымпа» бөлөх толоруутугар норуот ырыаларыттан попурри ылланна, салайааччы Саха Өрөспүүбүлүкэтин үөрэҕириитин туйгуна Ирина Кобякова.
Иккис күн «8-с төгүлүн ыытыллар «Азия оҕолоро» оонньууларын чэрчитинэн ыытыллар оҕолорго «Чыпчаал» фестиваль кыттыылаахтарын өрөспүүбүлүкэ «Олоҥхо дойдутун талааннара» күрэҕин бастыҥнара кыттыылаах улахан кэнсиэр буолла. Сунтаартан, Бүлүүттэн, Муоматтан, Ньурбаттан, Дьокуускайтан талааннаах оҕолор ырыаларынан-тойуктарынан, үҥкүүлэринэн, хоту улуустар сээдьэлэринэн көрөөччүлэри сэргэхситтилэр.
Кэбээйи улууһун Мастаахҕыттан 15 оҕо кыттыыны ылла. Биһиги оҕолорбут бу тэрээһиннэргэ көхтөөхтүк кытыннылар. Ол кэннэ »Кинигэ киэһэтэ» Норуоттар икки ардыларынааҕы дьаарбаҥка буолла. Элбэх киһи бу тэрээһиҥҥэ тоҕуоруһа муһунна. Оҕолорбут маастар кылаастарга, мүнүүтэҕэ кинигэ ааҕыытыгар сырыттылар, сэргээтилэр.
Былатыан Ойуунускай Саха тыйаатырын иннигэр Норуоттар икки ардыларынааҕы киинэ бэстибээлин аһыллыыта буолла. Араас омук сириттэн ыалдьыттар бааллар. Ол курдук Кытай, Монголия, Казахстан, Москва киинэ режиссёрдара, ону сэргэ Сахабыт сирин биллэр-көстөр убаастыыр дьоммут, сүгүрүйэр артыыстарбыт бары бааллар. Кинилэри ыытааччылар ааттарын ааттаан туран кыһыл дорожка ортотунан үөрэ-көтө хааман киирдилэр. Мустубут дьон бука бары ыһыынан-хаһыынан, дохсун ытыс тыаһынан, үөрэ-көтө көрсүбүттэрэ. Кэлин тахсыбыт сахалыы киинэлэри »Кыталыктаах кырдалым»,»Харчы»,»Тимир» уо.д.а. Биһиги да дьоммут артыыстарбыт Голливуд артыыстарыттан хаалсыбаттар. Бэйэбит тумус туттар дьоммут кыһыл дорожканан Анатолий Павлович Николаев кэргэнэ Изабеллалыын, Андрей Саввич Борисов, Дмитрий Шадрин Кэбээйиттэн төрүттээх киэн туттар дьоммут хааман киирбиттэригэр киһи астына, долгуйа, үөрэ-көтө далбаатыы дохсун ытыс тыаһынан көрүстүбүт. Ил Дархан кэргэнин кытта сахалыы таҥастаах соһуччу киирэн бар дьону үөртэ, кинини уруйдуу-айхаллыы көрүстүлэр. Киэһэлик «Олоҥхо дойдутун түһүлгэтэ» Уус-Алдан, Мэҥэ-Хаҥалас, Горнай талба талааннаахтарын кэнсиэрэ буолла. «Айар» кинигэ маҕаһыына сахалыы кинигэ арааһын атыылаата. Василина Шарина «Хомус алыптаах остуоруйата» буруолуу сылдьар ийэтин кытта холбоһук кинигэтин туһунан сиһилии кэпсээтэ. Бу кинигэ аныгы олох ирдэбилигэр куйаар куодтаах. Наука Академиятыттан кэлэннэр саҥа толкуйдаан таһаарбыт «Энциклопедия Якутии» туһунан кэпсээтилэр. Бу энциклопедия куйаар куодтаах онно киирэн көрөҕүн сиһилии билсиһэҕин. Москваттан хоһоонньуттар хас да сиэрийэлээх кинигэлэрин атыылаатылар. »Азия оҕолоро» олус сэргэх, сонун тэрээһиннэри тэрийэн ыыталлар.
Төрөппүттэрбэр, оскуолам кэлэктиибигэр бу бэлиэ түгэҥҥэ баран кэлбиттэригэр улахан махталбын тиэрдэбин. Улуус, оскуолабыт аатын ааттатан кэллибит. Инникитин даҕаны айымньылаахтык, уҕараабат эрчимҥитинэн, кэрэ кэскил туһугар үлэлээҥ-хамсааҥ. Ылсыбыккыт сыыйа -баайа ыпсан, саҕалаабыккыт сатанан, уурбуккут -туппуккут барыта биллэр көстөр үтүө түмүктэнэн истин!
Сардаана Жакипова, Мастаах бөһ.
Төрөппүттэрбэр, оскуолам кэлэктиибигэр бу бэлиэ түгэҥҥэ баран кэлбиттэригэр улахан махталбын тиэрдэбин. Улуус, оскуолабыт аатын ааттатан кэллибит. Инникитин даҕаны айымньылаахтык, уҕараабат эрчимҥитинэн, кэрэ кэскил туһугар үлэлээҥ-хамсааҥ. Ылсыбыккыт сыыйа -баайа ыпсан, саҕалаабыккыт сатанан, уурбуккут -туппуккут барыта биллэр көстөр үтүө түмүктэнэн истин!
Суруйда: Сардаана Жакипова, Мастаах бөһ.