Дьокуускайта от ыйын 8-11 күннэригэр «Илии сылааһа» хамсааһын салайааччыта Ирина Саввина көҕүлээһининэн байыаннай таҥас тигиитигэр өрөспүүбүлүкэтээҕи «Үлэ-иис күрэҕэ» ыытыллар тэрээһин буола турар. Тэрээһин аһыллыытыгар СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыы миннистирэ Д. Лепчиков тыл эппит. Күрэх салайааччыта И. Саввина нэһилиэнньэ дойдуга бэриниилээх буолуутун күүһүрдэр, байыастары өйүүр, уопсастыбаннай дьыалаҕа дьон кыттыытын көҕүлүүр сыаллаах-соруктаах тэриллэрин, байаннай кэмпилиэктэри тигии ирдэбилин иһитиннэрбит. Күрэх Дьокуускайга «Кыайыы 50 сыла» успуорт дыбарыаһыгар буола турар.
10 улуустан 10-нуу киһилээх хамаандалар тэриллэн кэлбиттэр. Биһиги улууспутуттан K.A. Tepexoва салайааччылаах Мукучуттан (сал. Наталья Иванова), Кэбээйиттэн (сал. К. Терехова), Куокуйтан (сал. Т. Еремеева) иистэнньэҥнэр кытталлар. Кинилэргэ кураторынан буолар «Илии сылааһа» хамсааһыҥҥа сылдьар биир дойдулаахпыт Антонина Сметанина.
Сайыҥҥы түбүктээх үлэни-хамнаһы, ыарахаттардаах суолу-ииһи аахсыбакка биһиги иистэнньэҥнэрбит хамаанда туруоран, кытта сылдьалларыттан үөрэбит. Аҥардас баран кытталлара, улууспут аатын ааттаталлара да олус үчүгэй. Кэбээйи улууһун хамаандатыгар ис туруктара холку, тарбахтарын хамсааһына имигэс, тутуулара хаачыстыбалаах, бэйэлэрэ түмсүүлээх буолалларыгар баҕарабыт. Иннигит диэки тэтимнээхтик дьулуһун!
Ираида Софронеева, Куокуй.