Кэбээйигэ Ньургуһун күнэ

Кэбээйи оскуолатыгар Ньургуһун күнүн 2008 с. бэлиэтиибит. Ырыа, үҥкүү, хоһоон, ньургуһун сибэккини оҥоруу куонкурустарын хас да бөлөҕүнэн тэрийэбит. Кэлин нэһилиэкпитигэр икки сылга биирдэ «Сайдам” норуот айымньытын дьиэтигэр бу кэрэ сайын саҕаланыытын кэрэһэлиир күн ыытыллар.

Биһиэхэ ньургуһун чугаһынан 7 км сиргэ мырааҥҥа үүнэр. Суол оҥоһуллан билигин баҕалаах дьон бары тиийэн көрөллөр. Бу бэс ойуурбутун ыраастыыбыт, кэтээн көрөбүт. Быйыл Ньургуһун күнүгэр анаан “ЭкоВиКториНа” диэн биһиги оскуолабыт уонна Бүлүү Мастааҕын оскуолатын холбоһуктаах бырайыагынан куйаар ситимигэр тургутук (гугл-диск) оҥорбуппут. Сахабыт сирин араас оскуолаларын оҕолоро кытыннылар. Сорох ыйытыыларга ыарырҕаппыттар. Ыйытыылар манныктар(https://docs.google.com/forms/d/e/1FAIpQLSc8MwxBtpxV6ImVfxLzH1Kc9x62eYCwkVMC6rUVRGjqWIVEjQ/viewform?usp=sharing):

1. Саха сиригэр Ньургуһун күнэ хас сыллаахтан бэлиэтэнэр буолбутай?

2. «Ньур» диэн тоҥус тылыттан туох суолталааҕый?

3. Саха сиригэр ньургуһун ханнык көрүҥэ элбэҕий?

4. Ырыаны салҕаа:

«Ньургуһун, ньургуһун, ньургуһун —

Мин ырыам кылбаарар кыната,

Ньургуһун, ньургуһун, ньургуһун

Мин таайар тапталым…?»

«Икки сэниэ ыал Орто Бүлүү үрэҕин баһыгар, Оҕуруос үрэх уҥуоргу-манааргы өттүгэр ыаллаһан олорбуттара…» Ханнык айымньы маннык тыллартан саҕаланарый?

6. Бу үүнээйи хас да ааттаах, олортон биирдэстэрэ Куба кулгааҕа. Ханнык сибэккиний?

7. Ханнык биллэр худуоһунньук хартыынатай?

8. Ньургуһун иккистээн сибэккилиирэ туохбилгэтэй?

9. «Дьэрэкээннээх киэргэллэрдээх,

Дьирибинэс дьэргэлгэннээх

Чэмэлкэйдиир саастарыкпар,

Чэлгийээнэ кырдалыкпар

Чуочайаана сотокотун

Ньургуһунум дьылыһыппыт,

Нуоҕайаана төбөкөтүн

Күннэрикпэр көтөхпүт…»

Бу ким хоһоонуттан быһа тардыыный?

10. Сырдыгы таптыыр, кылгас кэмҥэ сибэккилээн баран хагдарыйар үүнээйилэр эфемероид дэнэллэр. Ньургуһун ханнык чааһа кыстыырый?

11. Ньургуһун ханнык көрүҥнэрэ Саха сирин Кыһыл кинигэтигэр киллэриллибиттэрий?

12. Бу сибэкки арааһын туһунан ырыанньыгы (1994 с.) таһаарсыбыт, “Ньургуһун ыһыаҕа” диэн өйдөбүлү үөскэтиспит СӨ норуодунай артыыһа?

13. «Бу образ ис хоһоонун кини соҕотох аата«Ньургуһун» диэн тыл бэйэтэ көрдөрөр. Бу аат норуот ырыатын-хоһоонун номоҕо буолбут, айылҕа күндү киэргэлэ буолар«. Саха театрыгар бастакынан Ньургуһун оруолун чаҕылхайдык толорбут артыыска аата?

14. Ньургуһун куураҕас аһа туох диэн ааттанарый?

Бастакы кэрэ сибэккибитин – ньургуһуну кэрэхсиэҕиҥ уонна харыстыаҕыҥ.

«Нуклеус» пост, Кэбээйи оскуолата

(Эппиэттэр: 1 – 2004; 2 – оноҕос; 3 – араҕастыҥы (прострел желтеющий); 4 — …ымыыта; 5 – Ньургуhун уонна Лоокуут; 6 – сылгы ньургуһуна; 7 – Иннокентий Корякин; 8 – күһүн уһуур; 9 – Петр Тобуруокап; 10 – силиргэх; 11 – Айаан уонна Турчанинов ньургуһуна (прострел аянскийи прострел Турчанинова); 12 – А.К. Калининскай; 13 – Ирина Максимова; 14 – элбэх эриэхэлээх ас (многоорешек).