Тоһуттар тымныылаах, хабыр дьыбардаах, чысхаан тыаллаах тохсунньу ыйбыт бастакы күнүн Кэбээйи нэһилиэгэ бэрт сэргэхтик, дорҕоонноохтук саҕалаата. Ол курдук, Калининнааҕы култуура сайдыытын киинигэр биһиэхэ анаан invent, Ankharob, Харысхан Мойтохонов «Кыһыҥҥы Vibe» кэнсиэринэн дьоро киэһэни бэлэхтээтилэр. Ат сүүрдэр киэҥ саалаҕа толору мустубут көрөөччүлэр саҕаланыаҕыттан бүтүөр дылы ытыс тыаһынан доҕуһуоллаатылар, билэр ырыаларын ылластылар. Ордук автордар бэйэлэрин ырыаларын толоруулара долгутта, саҥа сүүрээннэри түстээтэ.
Бу киэһэ биһиги ыччаттарбыт көрдөөх оонньууларга көхтөөхтүк кытыннылар, талааннарын көрдөрдүлэр, бириистэрин туттулар.
Саҥа дьылбыт бастакы күнэ ыччаттар түмсүүлэринэн, сомоҕолоһууларынан саҕаланан саргыбыт салалынна, өрөгөйбүт үрдээтэ!
Венера Лугинова