Соторутааҕыта хаһыат технической редактордара хаһыат дизайныгар, виртуальнай суруналыыстыка эксперэ Сергей Мешавкин хас да күннээх онлайн-вебинарыгар лекцияларын быһа эфиргэ иһиттилэр, нөрдүлэр.
Ол түмүгэр дизайн уларыйда, хаһыат информацияны ааҕааччыга тиэрдэр тэтимэ түргэтээтэ, хаартыска кэпсиир оруола улаатта.
Уларыйыылар хаһыакка эрэ буолбакка, саайтка эмиэ дьайдылар. Сонуну көрдүүр, көрөр судургутуйда.
«Сахабэчээт» CAT көҕүлээһининэн улуустар хаһыаттара бука бары саҥа формакка көстүлэр.
Сииттэ нэһилиэгэр оттуу таарыйа кэлиҥҥи нүөмэрдэри илдьэн сурутааччыларбытыгар тиксэрдим. Манна даҕатан эттэххэ, сииттэлэр хаһыаттарын редакцияҕа сытыарбаттар, ким Сангаарга кэлбит, эбээһинэһин курдук санаан, нэһилиэгин дьонугар илдьэ барар.
Саҥа форматынан тахсыбыт нүөмэрдэри сонургуу, сэргии көрбүттэрин бэлиэтии көрөн, санааларын ыйыталастым.
Алгыстаана Аргунова: — «Оформлениета аныгылыы уларыйбыт, уруккутааҕар тупсаҕай, үчүгэй буолбут».
Мотрена Колмогорова , тыа хаһаайыстыбатын исписэлииһэ: -«Дабаан хаһыат саҥа нүөмэрин көрө олоробун. Дизайна сэргэх, салгыннаах, буукубалара улаатан саастаах дьон ааҕарыгар үчүгэй буолбут. Аатыгар балаҕан, сэргэ баалларын сэргээтим».
Туйаара Винокурова:— «Шрибэ, хаартыскалара улааппыттарын тута бэлиэтии көрдүм. Мин электроннай барыйаанын көрөрбүн сөбүлүүбүн, өҥнөөх, хойутаабат, тахсыбыт кунүгэр кэлэр. Бу саҥа формакка көспүккүт үчүгэй, хаһыат тас көрүҥэ быдан сэргэх,тупсаҕай буолбут».
Виктор Эверстов
Фото: Виктор Эверстов