Кэбээйи улууһун Сиэгэн-Күөл орто оскуолатыгар 2005сыллаахтан, сыл түмүгүнэн үөрэх уонна иитии өттүгэр ситиһиилэрин иһин “Гранит” диэн бириис олохтоммута. Бу бырайыагы “Ньургуһун” оҕо образцовай үҥкүү ансаамбылын салайааччыта Семен Николаевич Старостин уонна саха тылын уонна литературатын учуутала Саргылана Ивановна Игнатьева олоххо киллэрбиттэрэ.
Быйыл ыам ыйын 31 күнүгэр сыл түмүгүнэн үөрэх уонна иитии өттүгэр ситиһиилэрин иһин 16 төгүлүн “Гранит”үөрүүлээх-көтүүлээх быһыыга-майгыга буолан ааста. Тэрээһиҥҥэ ыҥырыылаах ыалдьыттар, төрөппүттэр кэллилэр.
Бырааһынньыгы омук тылын учуутала, дириэктэр иитэр үлэҕэ солбуйааччыта Туйаара Иннокентьевна Федорова уонна 10 кылаас үөрэнээччитэ Арсений Жирков ыыттылар. Оскуолабыт спортзалыгар бары мустан, остуол тэринэн олордубут.
Сыл түмүгүнэн “Туйгун үөрэнээччилэргэ” оскуолабыт дириэктэрэ Маргарита Игоревна Власова хайҕабыл илиистэри туттартаата. Быйылгы үөрэх дьылыгар уопсайа 8 үөрэнээччи “Туйгун үөрэнээччи” аатын сүктүлэр:
2 кылаас үөрэнээччитэ – Сайдам Степанов;
2 кылаас үөрэнээччитэ – Камилла Симонова;
3 кылаас үөрэнээччитэ – Рада Готовцева;
3 кылаас үөрэнээччитэ – Ангелина Степанова;
10 кылаас үөрэнээччитэ – Арсений Жирков;
10 кылаас үөрэнээччитэ – Андрей Чинхоин;
11 кылаас үөрэнээччитэ – Эдуард Егоров;
11 кылаас үөрэнээччитэ – Туйгуна Кириллина.
Учууталлар үөрэтэр предметтэринэн, куруһуоктарынан бастыҥ үөрэнээччини, кылаастан актыбыыс оҕону талан бириистэрин туттартаатылар.
Сыл ахсын оскуолабыт үөрэнээччилэрэ 3 анал ааты куоластаан талаллар. “Кэскил” оҕо холбоһугун Бэрэсэдьиэнэ Аида Алексеева 3 номинацияны туттартаата:
— “Самый классный классный” анал аат – алын сүһүөх учууталыгар Людмила Евгеньевна Солнцеваҕа тигистэ;
— “Үөрэнээччилэр биһирэбиллэрэ” анал ааты – саха тылын уонна литературатын учуутала Александра Николаевна Слепцова ылла;
— “Лучший учитель дополнительного образования” – физическэй култуура учуутала Николай Николаевич Бессонов буолла.
— “Коллегалар биһирэбиллэрэ” анал ааты оскуола профсоюһун салайааччыта, библиотекарьбыт Елена Николаевна Готовцева туттарда – алын сүһүөх учууталыгар Людмила Евгеньевна Солнцеваҕа бэрилиннэ;
— “Саамай көхтөөх төрөппүт” анал ааты төрөппүт комитетын председателя Ирена Евгеньевна Протодьяконова туттарда – Ольга Ивановна Петрова ылла.
Сыл түмүгүнэн үөрэх уонна иитии өттүгэр ситиһиилэрин иһин араас “ГРАНнары” туттараллар:
— Ирина Готовцева аатынан “Дьулуур” граны “Ньургуһун” оҕо образцовай үҥкүү ансаамбылын салайааччыта Семен Николаевич Старостин туттарда – 11 кылаас үөрэнээччитэ Туйгуна Кириллинаҕа тигистэ;
— Е.Г. уонна В.Н. Константиновтар граннарын сиэннэрэ Марфа Егоровна Константинова туттарда: “Алын сүһүөх бастыҥ үөрэнээччитэ” грант – 4 кылаас үөрэнээччитэ Анатолий Протодьяконовка тигистэ;
— А.Е. Константинова аатынан “Алын сүһүөх бастыҥ учуутала” грант – 4 кылаас салайааччытыгар Антонина Никитична Бессоноваҕа туттарылынна;
— М.Е. Константинова аатынан “Сыл бастыҥ математига” грант – 11 кылаас үөрэнээччитэ Юрий Ядрихинскайка бэрилиннэ;
— С.С. Дьяконов аатынан граны СӨ үөрэҕириитин туйгуна, СӨ физическэй култуураҕа уонна успуорка туйгуна, СӨбуоксаҕа бэтэрээнэ, бокса тириэнэрэ Степан Степанович Кривошапкин туттарда – “Боксаҕа сыл бастыҥ спортсмена” 5 кылаас үөрэнээччитэ Айгылаан Чоросов буолла;
— М.В. Алексеев аатынан “Бокса күрэхтэһиилэригэр үрдүк ситиһиилэрин иһин” грант – 3 кылаас үөрэнээччитэ Айтал Чоросовка бэрилиннэ;
— М.В. Алексеев аатынан “История уонна обществознание бастыҥ билээччитэ” граны оскуолабыт дириэктэрэ Маргарита Игоревна Власова туттарда – 10 кылаас үөрэнээччитэ Арсений Жирковка тигистэ;
— М.М. Протодьяконова аатынан “Ийэ тылым, саха тыла – мин сүрэхпэр” граны Марфа Михайловна төрөппүт кыыһа Ирена Евгеньевна Протодьяконова туттарда – 11 кылаас үөрэнээччитэ Эдуард Егоровка тигистэ;
— А.Е. Кыппыгырова аатынан “Активист года” граны математика учуутала Эра Иннокентьевна Гоголева туттарда – 11 кылаас үөрэнээччитэ Саарын Осиповка бэрилиннэ.
— Оскуола дириэктэрэ Маргарита Игоревна Власова “Уол оҕо – норуот кэскилэ” стипендиятын – 11 кылаас үөрэнээччитэ Эдуард Егоровка туттарда.
— “Оҕо хамсааһынын сайдыытыгар сүрүн кылаатын иһин” граннары оҕо холбоһугун салайааччы Манчаары Иннокентьевич Бугаев туттартаата – 10 кылаас үөрэнээччилэригэр Арсений Жирковка уонна Андрей Чинхоиҥҥа биэрдэ.
— “Сыл бастыҥ үөрэнээччитэ” – алын сүһүөхтэн 3 кылаас үөрэнээччитэ Ангелина Степанова, орто сүһүөхтэн6 кылаас үөрэнээччитэ Харысхан Петров уонна улахан кылаастартан 10 кылаас үөрэнээччитэ Арсений Жирков буоллулар;
— “Сыл бастыҥ учуутала” анал ааты оскуола дириэктэрэ туттарда – алын сүһүөх учуутала Альбина Ивановна Бессонова буолла;
— “Эбии үөрэхтээһин бастыҥ учуутала” анал аат – бокса тириэнэригэр Степан Степанович Кривошапкиҥҥа тигистэ;
Бырааһынньыкпытын алын уонна орто сүһүөх оҕолоро уонна оскуолабыт выпускнига Саарын Осипов ыллаан-туойан, үҥкүүлээн киэргэттилэр.
Сиэгэн-Күөл орто оскуолатын саха тылын уонна литэрэтиирэтин учуутала Александра Николаевна Слепцова.