Ньидьилибит нэһилиэгэр
анал байыаннай дьайыыга кытта сылдьар Чагдабыт уолаттарыгар санааларыгар күүс эбэ, дойдуларын ахтылҕанын таһаара «Кыайыы туһугар»- акция биллэрбиппит.
Бу акцияҕа нэһилиэкпит дьоно оҕотуттан ылан баран улахан дьонугар тиийэ, тэрилтэлэрбит ким да туора турбакка көхтөөхтүк кытыннылар. Ол курдук ыччаттарбытыгар оскуолабыт хас биирдии кылааһа сурук суруйан, саллаат күннээҕи туттар малыттан таҥаһыгар-сабыгар тиийэ хомуйан туттардылар.
Маны таһынан оскуолабыт учууталлара, үлэһиттэрэ уонна тэрилтэлэр үлэһиттэрэ, бу акцияҕа көхтөөхтүк кытыннылар. Бурдук ас, ыһаары собо аҕалан туттардылар. Маны сэргэ нэһилиэкпит талааннаах дьоно кэнсиэртээн киллэрбит үптэрэ 12 900 солкуобай уонна нэһилиэк олохтоохторуттан, дойдуларыттан ыраах олорор биир дойдулаахтарбытыттан хомуллубут үп ыччаттарбытыгар ыытыллыа.
Бу, акцияҕа кыттыбыт тэрилтэлэрбит салайааччыларыгар, нэһилиэкпит олохтоохторугар барҕа махтал!
Инникитин да бу курдук түмсүүлээх, биир сомоҕо буолуоҕуҥ!
Баһылыкпыт Айыл Александрович хомуллубут малы салгыы анал байыаннай дьайыыга сылдьар ыччаттарбытыгар тус бэйэлэригэр тиксэриэҕэ.
Альбина Ноговицына