Быйыл Мукучуга саҥа оскуола арыллыытыгар, VIII норуоттар икки ардыларынааҕы «Азия оҕолоро» спортивнай оонньуу кыайыылаахтарын чиэстээһинигэр, биһиги биир дойдулаахпытын — үөрэнээччибитин, Мукучу хапсаҕай оскуолатын иитиллээччитин, кэскиллээх эдэр бөҕөспүтүн Кононов Олегы оскуолабыт аатыттан эҕэрдэлээн махтал сурукпутун уонна харчыннан сертификат туттардыбыт.
Олег — VIII-с «Азия оҕолоро» норуоттар икки ардыларынааҕы спортивнай оонньууга Саха Өрөспүүбүлүкэтин 1-кы хамаандатыгар киирэн, саха төрүт национальнай спорт көрүҥэр, хапсаҕайга, күүстээх утарсааччыларын эрэллээхтик кыайан, чемпион үрдүк аатын ылан, төрөөбүт түөлбэтин, улууһун, өрөспүүбүлүкэтин аатын улаханнык ааттатта. Кини бу кыайыытынан биһиги, биир дойдулаахтара, үөрэммит оскуолата, педколлектива, үлэһиттэрэ, киэн туттабыт.
Төрөппүттэрин Прасковья Петровнаны, Николай Петровиһы уолларын ситиһиитинэн өссө төгүл ис сүрэхпититтэн эҕэрдэлиибит! Олегка баҕарабыт чэгиэн доруобуйаны, элбэх умнуллубат түгэннэри, үөрэҕэр уонна спортка үгүс кыайыыны — хотууну!
Баҕадьа уопсай үөрэхтээһин оскуолата.