Муус устар 12 күнүгэр Арыктаах нэһилиэгэр кырыа кыһыммытын атаарар үөрүүлээх бырааһынньык буолла.
Тэрилтэлэр — «Сахаэнерго», администрация, ФАП, ОДьКХ быыстапка тэрийдилэр. Араас сэргэх тэрээһин ыытыллан, мустубут дьон дуоһуйа сынньаннылар. Ол курдук, остуолбаҕа ыттыыга Иван Соловьев, «Сахаэнерго» үлэһитэ бастаан, кулууп бирииһин — манок ылла. Оскуола оҕолоругар хайыһар күрэҕэр Алеша Винокуров бастаата, иккис — Айыллаан Кудрин, үһүс — Сулус Ноговицын буоллулар. Харыс баттааһыыга күрэҕэр эр дьоннорго Егор Павлов бастаата. Кэрэ аҥардарга — Тамара Яковлева кыайыылаах буолла.
«Айылгы» култуура киинин иннигэр атыы-эргиэн тэрилиннэ. Дьон-сэргэ олус улаханнык сэргэхсийдилэр, үөрдүлэр. Быыстапка түмүгүнэн «Сахаэнерго» тэрилтэтэ бастаата, иккискэ — ОДьКХ, үһүс миэстэҕэ ФАП үлэһиттэрэ тигистилэр. Саамай уһун баттахтаах кэрэ аҥаарынан Алексия Захарова буолла.
Онон наьаа үчүгэй умнуллубат үтүө түгэннэрдээх бырааһынньык ааста.
Петр Ноговицын, Арыктаах нэһилиэгэ
Автор хаартыскаҕа түһэриилэрэ