Саха сирин Национальнай библиотекатыгар сыл аайы ыытыллар «Искусство түүнэ» культурнай сырдатар акция чэрчитинэн «Саха таҥаһын тула» диэн «Уран иис» түмсүү салайааччыта, устуоруйа билимин хандьыдаата, дассыан Светлана Ивановна Петрова ыыппыт тэрээһинигэр Кэбээйибит улууһуттан Сайылыктан Ритта Кимовна Алексеева кыттан, кэлбит ыалдьыттар улахан сэҥээриилэрин ылла.
Кини норуот маастара Мария Николаевна Потапова ньэмиэтин тупсаран тикпит үс кэмпилиэгин көрдөрдө.
Биир дойдулаах талааннаах иистэнньэҥ маастарбыт айар суолун аартыга сырдыгынан сыдьаайан, сайда турарын туһугар чэгиэн сылдьарыгар баҕарабыт.
Екатерина Архипова.