Быйыл 2023 сыл Россияҕа Учуутал уонна Уhуйааччы сылын дойдубут президенэ В.В. Путин биллэрбитэ. Бу ураты сылга Учуутал күнүн ыытыыга декада биллэриллэн былааннаах үлэ ыытылынна. Оскуолабытыгар КТД (коллективно-творческие дела, ред. бэлиэтээһинэ) ньыматынан үлэлээбиппит 20 сыла буолла. Учуутал күнүн 9-с кылаастар (сал. Степанова М.П.) иилээн – саҕалаан ыыттылар.
Ол курдук, учууталларбытыгар анаан «Интеллектуальнай оонньуу» олус көхтөөхтүк ыытылынна. Оскуолабытыгар өр сылларга үлэлээбит учууталларбыт ааттарын кабинеттарга иңэриллэн, улахан тэрээhин ыытыллыытыгар оскуолабыт урукку үөрэнээччилэрэ, төрөппүттэрэ кыттыбыттара олус кэрэхсэбиллээх. Алын сүhүөх кылаастарга «Мин таптыыр учууталым» диэн уруhуй быыстапката, оскуола музейын иhинэн «Учуутал, эн үрдүк ааккар сүгүрүйэбит» быыстапка ыытылынна, бу быыстапкаҕа «Музей в чемодане» сэргээтибит. Учууталлар туhунан истиң санаабытын 5-стэн 11 кылаас үөрэнээччилэрэ «Учитель… сколько надо любви и огня, чтобы слушали, чтобы верили, чтобы помнили люди…» өйтөн суруйуулары оңорон учууталларбытын үөртүбүт. Учууталларбыт Бүтүн Россиятааҕы педагогическай диктаңңа кытыннылар. Маны сэргэ Саха сиригэр физкультурнай хамсааhын 100 сылыгар аналлаах оскуолабыт иhинэн спартакиадаҕа көхтөөхтүк кытыннылар.
Оскуолабытыгар түөрт методическай холбоhук баар. Бу декадаҕа алын сүhүөх кылаастар учууталлара аhаҕас уруоктары ыыттылар. Естественнай – математическай цикл методическай бөлөҕө (сал. Левина О.Д.) оҕолор уонна учууталлар кыттыгастаах «Тимофей Сметанин көмүс күhүнүн» иилээн – саҕалаан ыыттылар, суруйааччыга аналлаах өйдөбүнньүгү кырааскалаан тупсарыы үлэтэ ыытылынна. Декада түмүгэр улахан кылаас үөрэнээччилэрэ учууталлары солбуйан биhигини үөрэттилэр.
Декадабыт олус тэрээhиннээхтик ыытыллыбытыттан бары да олус үөрдүбүт. Инникитин да маннык тэрээhиннэргэ көхтөөхтүк кыттан үүнүү – сайды суолун тутуhуохпут.
Оля Винокурова – В.Е.Колмогоров аатынан Сииттэ орто оскуолатын 8 кылааhын үөрэнээччитэ