Сииттэбит нэһилиэгэр ППМИ нөҥүө аныгы ирдэбилгэ толору эппиэттиир остуолбалар Н.Н. Попова уонна Новая уулуссаларга киһи астына көрөр гына кэчигирэстилэр. Дуогабардаспыт тэрилтэбит, алта уол кэлэннэр көрүөх бэтэрээ өттүгэр сып — сап, туттан — хаптан нэһилиэкпитигэр толору уоппутун холбоон олохтоохтор махталлара муҥура суох.
Нэһилиэкпит сүрүн уулуссалара бу бэртээхэй программанан толору туһанаммыт, барыта уот тардыллан, бөһүөлэкпит куораттан итэҕэһэ суох буолан үөрүүбүт үгүс. Олохтоох дьаһалта баһылыктара үлэни толору хонтуруоллаан, уолаттар утуйар, аһыыр, сынньанар услуобуйаларын барытын тэрийдилэр. Үлэлиир — хамсыыр дьоҥҥо кыра да болҕомто наадатын хаһан да умнуо суохтаахпыт. Онон оҕо — аймах, кырдьаҕас дьон сылдьарыгар киэһэ өттүн бары усулуобуйа баар буолла диэн олус үөрэбит.
Ити курдук, Сииттэлэр аныгы сайдыыттан хаалсыбакка олоҕу кытта тэҥҥэ устарбытыттан уонна бар дьоммутугар сөптөөх усулуобуйа тэриллэриттэн, республикабыт Ил Дарханыгар Айсен Николаевка, улууспут баһылыгар Иван Левиҥҥа уонна олохтоох дьаһалтабыт баһылыгар Семен Тимофеевка улахан махталбытын тиэрдэбит.
Марианна Сивцева.