Сииттэбит нэһилиэгэр, бүгүн быстах байыаннай дьайыыга сылдьар, нэьилиэкпит чулуу уоланнарыгар, этэргэ дылы билиҥҥи олохпут геройдарыгар, Россия5а патриотизм, Саха Республикатыгар ийэ дойдуну көмүскээччилэр, Кэбээйибит улууһугар а5а дойдуга бэриниилээх буолуу, Сииттэбит нэһилиэгэр үйэтитии сылларын чэрчитинэн, олохтоох дьаһалта баһылыга Семен Тимофеев көҕүлээһининэн, бар дьоммут көрө сылдьан киэн тутталларын, ыччат дьоммутугар холобур буоллун диэн, анал стендэ оҥоһуллан бастыҥ миэстэҕэ ыйанна. Бүгүҥҥү долгутуулаах тэрээһиммитин, олохтоох библиотека сэбиэдиссэйэ Мария Обутова салайан ыытта. Үтүө тыл сүмэтин, эҕэрдэ тыл эриэккэһин, баҕа санаа бастыҥын, кэс тыл кэрэтин, дойдубут эрэллээх ыччаттарыгар, ону кытта СВО — ҕа сылдьар оҕолордоох дьиэ кэргэттэргэ, нэһилиэкпит көхтөөх олохтоохторугар анаан, баһылык Семен Тимофеев, дириҥ ис хоһооннох кэс тылын, бар дьонугар анаан тириэрдибитэ буолар. Тэрээһиммит ис хоһоонун өссө дириҥник суолталаан, быстах байыаннай дьайыыга сылдьар уоллаах Роман Попов, ону кытта чугас аймах быраата, дойдутун чиэһин үтүө суобастаахтык көмүскүү сылдьар, буойун эдьиийэ Ольга Левина, ис сүрэхтэн тахсар баҕа санааларын, киһи эрэ уйадыйар гына бар дьонноругар кэпсээтилэр, тириэртилэр. Кинилэр учуутал идэлээх буоланнар, уолаттары оскуолаҕа үөрэппиттэрин, үөрэнэр кэмнэригэр олус эппиэтинэстээхтэрин, спорт өттүгэр бэлэмнээхтэрин, билии — көрүү өттүгэр ситиһиилээхтэрин туһунан ахтан — санаан аастылар. Тэрээһин түмүк тылын Марианна Сивцева, СВО- ҕа көмөлөспүт Сииттэбит нэһилиэгин дьонугар — сэргэтигэр истиҥник махтанна уонна Кыайыы хоһоонун күрэҕэр кыттыбыт биир дойдулаахтарбыт хомоҕой тыллаах хоьооннорунан түмүктээтилэр, В.Е.Колмогоров аатынан Сииттэ орто оскуолатын ахсыс кылаастарын үөрэнээччилэрэ Нария Новгородова, Ньургун Сивцев. Күндү оҕолорбут, хорсун — ходуот уолаттарбыт, Кыайыы кынаттаах, этэҥҥэ сылдьан, төрөөбүт төрүт дойдуларыгар түргэнник кэлэллэрин туһугар баҕа санаа бастыҥын тириэртибит.
Марианна Сивцева