Сииттэбит нэһилиэгэ өрүү ыраас, чөл буоларын туһугар сыл аайы элбэх олохтооҕу хабан, улахан субуотунньуктар буолаллара үгэскэ кубулуйда. Ол курдук, эбэлэрбит барахсаттар этэҥҥэ ааһаннар, санаабыт лаппа көтөҕүллэ сылдьар кэмнэрэ. Улаханнык убаастыыр, ытыктыыр киһибит Эдьиий Дора алгыһынан арыалланан, саһарчы буспут алгыстаах алаадьыннан айах тутан, маанылаан, арчыланан, алгыстанан, самаан сайыны үөрэ — көтө, уруйдуу — айхаллыы көрсөр үчүгэйиэн.
Сииттэбит нэһилиэгин туруу үлэһит олохтоохторо, дьиэ — уот таһын номнуо ыраастанан, үлэлэрэ — хамнастара арыый наллаабыт кэмнэригэр аны бөһүөлэкпит иһэ сэргэхсийэрин ыраас, чэбдик салгынынан эҕэрийэ тыынаары, ис-тас өттө тупсарын туһугар, бары биир киһи курдук турунан, сыл аайы улахан субуотунньукка тахсаллара холобур эрэ буолар. Ис сүрэхтэриттэн кыһаллан, олохтоох дьаһалта субуотунньукка ыҥырыытын ылынаннар, түөлбэлэр салайааччыларын эппиэтинэстээх дьаһалларынан, бүгүҥҥү күнү аһардыбакка, свалкаҕа эр дьоммут мустаннар, ып — ыраастык барытын хомуйан, астаран ыраастаан кэбистилэр.
Кырдьык туох кистэлэ кэлиэй үс кыһыны быһа свалкабытыгар, кыахтаах элбэх бөх тоҕулларын таһынан, үксүгэр биир сиргэ куппакка мээнэ ыһаннар, тыал — хаар түстэҕинэ ойууру, трассаны биир гына ыһыллара кистэл буолбатах. Онон нэһилиэкпит дьонун — сэргэтин инникитин убаастабыллаахтык сыһыаннаьарга ыҥырыахпытын баҕарабыт. Төрөөбүт дойдубут чэлгийэ сайдарын чөл, ыраас буоларын туһугар туруулаһан күүс — көмө буолар бар дьоммутугар барҕа махтал тыл бастыҥын тиэрдэбит.
Марианна Сивцева.