Сииттэбитигэр доруобуйа ыйа саҕаламмытынан, нэһилиэкпитигэр Аҕа, республикаҕа Оҕо сылларынан «Аҕа уолунаан, эһээ сиэнинээн» диэн күрэхпит бэрт көхтөөхтүк, бэһиэлэйдик ааста. Күрэхпитигэр нэһилиэкпит саамай көхтөөх биэс аҕата уолаттарын кытта биир хамаанда буоланнар, күүс былдьаһан мас тардыһыытыгар кыттыыны ыллылар.
Култуура үлэһиттэрин уонна эдэр ыччат лидерын аатыттан, кыттааччыларбытыгар барҕа махталбытын тиэрдэбит. Өрүүтүн көхтөөх, чөл олоҕу өрө тутан, кэлэр кэскил ыччаттаргытын кэрэҕэ сирдээн өрүү маннык бииргэ буолун диэн баҕа санаабытын тиэрдэбит. Ол курдук, мас тардыһыы түмүгүнэн, бастакы миэстэни Егор Левин ылан, биэс тыһыынча сууммалаах бэлэх тутан махтала улахан. Кыайыылаах кэнниттэн тилэх баттаһан, иккис миэстэни Василий Алексеев ылла, кини үс тыһыынча сууммалаах эмиэ бэлэх тутта. Бочуоттаах үһүс миэстэни Иван Захаров ылыан ылла, кини икки тыһыынчалаах харчыннан бэлэх тутан махтала улахан. Төрдүс миэстэни Алексей Аргунов, Владислав Гоголев үллэстэн биирдии тыһыынча харчыннан, кыайыыга дьулуурдарын иһин диэн поощирительнай бэлэх тутан үөрдүлэр — көттүлэр.
Манан эрэ бүппэтэ күрэхпит, улахан уолаттарга бастакы миэстэни Салим Расулов ылан икки тыһыынча харчыннан бэлэх тутта, иккис миэстэни Айсен Кондратьев биир тыһыынча харчы уонна Адам Аргунов эмиэ биир тыһыынча харчыннан бэлэх туттулар. Уолаттарбытыгар ситиһиини баҕаран туран мэдээл уонна грамота туттардыбыт. Күрэхпитигэр кэлбит көрөөччү оҕолор кыттыыны ыланнар, кыайыылаахтар бука бары минньигэс бэлэх тутан олус үөрдүлэр — көттүлэр. Оҕолорго анаан хаартыскаҕа түһэр фотозона сирэ оҥордубут.
Чөл олоҕу өрө тутан, нэһилиэккэ ыытыллар бары тэрээһиннэри өйөөн спонсордаабыт олохтоох дьаһалта баһылыгар Семен Тимофеевка, көрдөһүүбүтүн өйүүр, өйдүүр дьоммутугар олохтоох балыыһа коллективыгар Алина Павловаҕа, Татьяна Герасимоваҕа, Мария Ивановаҕа, Екатерина Расуловаҕа, почтабыт начальнигар Татьяна Новгородоваҕа , олохтоох библиотека сэбиэдиссэйигэр Мария Обутоваҕа, «Дайаана» маҕаһыын, олохтоох урбаанньыт салайааччытыгар Софья Николаеваҕа, эдэр кэскиллээх ыччаппытыгар Константин Александровка, «Иэйии» ийэлэр түмсүүлэригэр, салайааччы Марианна Захароваҕа, аҕалар түмсүүлэригэр, салайааччы Николай Захаровка, тыа хаһаайыстыбатын специалиһыгар Дмитрий Колмогоровка дириҥ махталбытын тиэрдэбит. Тэрээһиммитигэр күүс — көмө буолбут Сииттэ орто оскуолатын физкультураҕа учууталыгар Гаврил Петровка улахан махтал тылларын аныыбыт.
Өтөрүнэн буолбатах аҕа уонна оҕо күрэҕин өйөөбүт биир дойдулаахтарбар баҕарыам этэ, үтүө санааҕыт сүүс төгүл үтүөннэн эргийдин, баҕа санааҕыт барҕара туоллун, иэримэ дьиэҕит сылаас тыыннаннын, хороҕор муостааххыт хотон муҥунан буоллун, иитэр оҕоҕут төлкөлөннүн, саргыгыт салалыннын. Дьоллоох, доруобай буолун!
Марианна Сивцева.