Сииттэбит нэһилиэгэр «Кыһын Саха сириттэн саҕаланар» бэстибээл чэрчитинэн, кырачааннарбытыгар анаан, нэһилиэкпит күлүмүрдэс харыйатын уматыы үөрүүлээх тэрээһинэ буолан ааста.
Бырааһынньыгы эҕэрдэ тылынан арыйда нэһилиэк баһылыгын солбуйааччыта Петр Степанов. Үгэс быһыытынан, кырачаан дьоммутун Тымныы оҕонньор сиэн кыыһынаан эҕэрдэлээтилэр, ону кытта аатырбыт мультик геройдара оҕолорбутун кытта флешмоб үҥкүүнү тэбис тэҥҥэ үҥкүүлээн тэйдилэр. Саҥа дьыллааҕы харыйа тула хорубуоттаатылар. Саҥа сыл үтүөнү, кэрэни эрэ аҕаллын диэн туран, кэлбит ыалдьыттарбытыгар, кырачааннарбытыгар минньигэс бэлэх туттартаан олус үөртүбүт. Тэрээһиммитин үгэс быһыытынан хаартыскаҕа түһүүннэн түмүктээтибит.
Дьэ, ити курдук, сииттэлэр үлэҕэ да түмсүүлээхтэр, көргө-нарга да көхтөөхтөр. Бары күүс — көмө буолбут дьоммутугар — сэргэбэтигэр улахан махталбытын тиэрдэбит.
Марианна Сивцева