Сииттэҕэ сибиэһэй ас — үөл дьаарбаҥката буолан ааста. Тэрээһиҥҥэ барыта 50-ча киһи кыттыыны ылла. Бүгүҥҥү тэрээһиммит Курскай уобаласка буола турар ыарахан балаһыанньаҕа, көмө акция быһыытынан тэрилиннэ.
Дьаарбаҥкабыт үөрүүлээх арыллыытын олохтоох дьаһалта баһылыгын солбуйааччыта Петр Степанов эҕэрдэ тылынан арыйда. Барыта 20 тыһыынча харчы киллэрэн, тэрийээччилэр астынан олоробут. Нэһилиэкпит үтүө санаалаах дьоно акцияны өйөөн харчыннан көмөлөрүн тохтоло суох ыыта олорор биир дойдулаахтарбытыгар махталбыт муҥура суох, ол курдук, Мария, Борис Ивановтарга, Мотрена, Семен Васильевтарга, Анастасия Петроваҕа. Нэһилиэкпит кэрэ аҥардара сир аһын, үрүҥ, бурдук ас арааһын, оҕуруот аһын тото — хана атыылаатылар. Олохтоох култуура дьиэтин үлэһиттэрэ «Амтаннаах ас » диэн дойдубут сибиэһэй аһыгар лотерея тэрийэммит, дьоммутун — сэргэбитин үөртүбүт. Ыытыллар бары тэрээһиннэрбитин өйөөн, «Дайаана» маҕаһыын коллективыгар, Андриан, Софья Николаевтарга, Светлана Левинаҕа, үөрэ — көтө спонсордыылларыгар улахан махталбытын тиэрдэбит.
Бу да сырыыга ас лотереятыгар минньигэс сибиинньэ этин спонсордааннар, биир дойдулаахтара Ольга Попова сүүйэн олус үөрдэ уонна махтанна. Бөһүөлэкпит көхтөөх ыаллара Марианна, Иван Захаровтар сибиэһэй сүөгэйдэри спонсордаан эмиэ күүс — көмө буоллулар. Ис сүрэхтэрин сылааһын иҥэрбит, тэрээһиммитин өйөөбүт Агафья Захароваҕа, Мария Захароваҕа, Петр, Александра Степановтарга, Александра, Вера Ивановаларга, Елена Васильеваҕа, Агафья Ноговицынаҕа, Октябрина Сергееваҕа, Прасковья Ноговицынаҕа, Надежда Ермолаеваҕа, Наталья Гуляеваҕа, Анна Сивцеваҕа, Мария Степановаҕа, Людмила Семеноваҕа, Наталья Дьяконоваҕа, Анна Тимофееваҕа, Людмила, Роман Поповтарга өссө төгүл махталбытын тиэрдэбит. Кырдьык буола турар билигин ыарахан балаһыанньаны сөптөөхтүк өйдөөн, биир дойдулаахтарбыт өссө да күүс — көмө буола туруохтара диэн олус эрэнэбит.
Дьаарбаҥка быыһыгар күһүҥҥү букет күрэҕэ буолан ааста. Көмүс күһүн оригинальнай букетыгар, бастакы миэстэни Наталья Дьяконова, иккис бочуоттаах миэстэни Сергеевтар дьиэ кэргэттэрэ ылыахтарын ыллылар. Кыайыылаахтарга олохтоох дьаһалта туруорбут бириистэрин үөрэ — көтө туттардыбыт.
Тыа ыаллара буоларбытын туоһулаан, бэйэ оҥорон таһаарбыт бородууксуйабытын үөрэ — көтө атыылаһан, сибиэһэйдии амсайар тэрээһиннэр өссө да былааҥҥа элбэхтэр.
Марианна Сивцева