Сииттэ нэһилиэгэр олохтоох дьаһалта баһылыга Семен Тимофеев, 2023 сылга, нэһилиэк сайдыытыгар былааннаахтык ыытыллыбыт үлэтин — хамнаһын туһунан отчуота буолан ааста.
2023 сылга кырдьык даҕаны нэһилиэкпит олохтоохторун көмөлөрүнэн, түмсүүлэринэн улахан үлэлэр барбыттара хас биирдии киһи киэн туттуута буолара чуолкай диэн сыаналыыбыт. Нэһилиэкпитигэр улуустааҕы, республикатааҕы тэрээһиннэр, үбүлүөйдээх Сииттэбит сиригэр — уотугар анаммыта мээнэҕэ буолбатах. Нэһилиэк тэрилтэлэрин салайааччылара сыллааҕы үлэлэрин отчуоттаабыттара ураты көстүү буолла.
Сииттэ олохтоохторо баһылыкпыт түмүктээх уонна түбүктээх үлэтигэр Семен Тимофеевка, биир киһи курдук «туйгун» сыананы үөрэ — көтө куоластаатылар. Олохтоох дьаһалтабыт баһылыктарыгар Семен Тимофеевка, Петр Степановка өссө да күүстээх үлэлэри, ситиһиилэри, дабайыылары баҕарабыт!
