Сииттэбит нэһилиэгэ үүнэрин- сайдарын туһугар ис сүрэхтэн кыһаллар дьон баалларыттан киһи үөрэр — көтөр, киэн эрэ туттар. Ол аата кинилэр дьиҥнээх патриоттар буолалларын туоһулууллар.
Нэһилиэкпит киэн туттар оҕото, ыччата, элбэх оҕолоох дьиэ кэргэн тапталлаах ийэтэ Люция Николаевна Томская (Попова) Россияҕа Дьиэ кэргэн, 2025 сылга Улуу Кыайыы 80 сылларыгар анаан, төрөөбүт тапталлаах Сииттэтэ өрүү күөҕүнэн чэлгийэ симэнэригэр, 80 устуука акация уонна бузина мастары хас биирдиитин тус — туһунан рассаадалаан, олохтоох дьаһалта баһылыгар Семен Тимофеевка бэлэх быһыытынан туттарда.
Онон аны Ийэ, Кыайыы скверын акация, бузина мастар киэргэтиэхтэрэ диэн олус үөрдүбүт, астынныбыт. Люция Николаевнаҕа өссө төгүл нэһилиэк олохтоохторун ааттарыттан улахан махталбытын тиэрдэбит. Дьиэ кэргэннэр дьолу — соргуну, кытаанах доруобуйаны, дьоллоох олоҕу баҕарабыт.
Марианна Сивцева