Сэтинньи 18 күнүгэр аһаҕас өрөспүүбүлүкэтээҕи атах оонньуутун РСФСР, ЯАССР маастара, Саха өрөспүүбүлүкэтин физическэй култуура туйгуна Константин Иванов 60 сааһыгар аналлаах Үөһээ Бүлүүгэ атах оонньуутун күрэҕэ буолан ааста.
Күрэххэ Бүлүүттэн, Ньурбаттан, Сунтаартан, Үөһээ Бүлүүттэн, Кэбээйиттэн күөн көрүстүлэр.
Биһиги оҕолорбут ситиһиилэрэ:
2007 с.төрүөх уолаттарга:
Мастаах орто оскуолатын 10 кылааһын үөрэнээччитэ Кейментинов Тимир уолаттарга чемпион үрдүк аатын сүктэ. Сүрүн бирииһэ -10 тыһ. харчынан бириэмийэлэннэ ону таһынан чочу бэлэх ууннулар.
3 миэстэ — Эльдар Гуляев буолла.
Кыргыттарга 1 бастакы миэстэни Мастаах орто оскуолатын 9 кылааһын үөрэнээччитэ Алгыстаана Чемчоева ылла.
2009-2010 сс. төрүөуолаттарга 2 миэстэни Уйгун Саввинов, 8 кылаас үөрэнээччитэ, шуруповёрунан наҕараадаланна. 3 миэстэ — Арылхан Иванов, 7 кылаас үөрэнээччитэ. Киниэхэ күлүүс наборун бэлэх ууннулар.
Бу элбэх сыл үлэттэн тахсар ситиһии буолар. Биһиги тренербит Николай Николаевич Иванов оҕолору атах
оонньуутугар утумнаахтык дьарыктыыр. Бастыҥ кылыыһыт, буурдьут, мас тардыһар, хапсаҕайдьыт, тутум эргиир курдук ыарахан көрүҥнэргэ оҕолору уһуйар. Сыралаах үлэ үтүө түмүктэрдээҕэ биир дойдулаахтарын үөрдэр-кынаттыыр. Мастаахтар маннык үлэҕэ бэриниилээх, үчүгэй дьоммутунан киэн туттабыт.
Өссө да спорт эйгэтигэр биһиги оҕолорбут үрдүк таһымнаах күрэхтэргэ ситиһиилэниэхтэрэ диэн
эрэнэ күүтэбит.
Сардана Жакипова, Мастаах бөһ.