Тохсунньу ый тоһуттар тымныытын кэнниттэн, олунньулуур ыйдарбыт олустаахай дьыбарын уоскуйуутун кэнниттэн Бүлүү куорат Марк Жирков аатынан култуура дыбарыаһыгар сылын аайы ыытыллар «Бриллиантовые нотки» проект чэрчитинэн тэриллэр «Таланты земли Олонхо»диэн күрэскэ үс улуус Кэбээйи, Үөһээ Бүлүү, Бүлүү талааннаах оҕолорун түмэ тарта. Күрэҕи иилээн-саҕалаан ыытта Клавдий Афанасьев. Култуура дыбарыаһын томтойор саалатыгар тобус толору кыттааччынан туолла.
Дьэ, бу күрэх дьүүллүүр сүбэтин билиһиннэрдэххэ Марио Диас Бетанкурт Алла Духова шоу-балетын солиһа, дьүүллүүр сүбэ чилиэнэ, Дьокуускайдааҕы М.Н. Жирков аатынан музыкальнай колледж уһуйааччыта, иитэр үлэҕэ дириэктэри солбуйааччыта Розалия Рашидовна Давлетова, Евдокия Ивановна Павлова, Арчы дьиэтин уһуйааччыта С.Ө. култууратын туйгуна сыаналаатылар.
Биһиги Кэрэ эйгэ искусствотын үлэһиттэрэ бу күрэскэ оҕолорбутун хас сылын аайы кытыннарабыт. Ол курдук, оҕолорбут ситиһиилэрэ:
Фольклор 4 кылаас кыргыттара — Лауреат 1 истиэпэннээх, 6 кылаас кэлэктиибэ — Лауреат 1 истиэпэннээх, 8 кылаас кыргыттара фольклор көрүҥэр — Лауреат 1 истиэпэннээх, бу оҕолор ырыаҕа — Лауреат 3 истиэпэннээх, 6 кылаастар ырыаҕа — Диплом 3 истиэпэннээх наҕарааданы сүктүлэр. Үҥкүүгэ салайан илдьэ сырытта 4 кылаас кыргыттарын Е.А. Дмитриева, кинилэр Лауреат 3 истиэпэнэ буоллулар. Барарбытыгар төрөппүттэр уонна оскуола техниканан күүс-көмө, өйөбүл буоллулар. Тус бэйэм аппыттан улахан махталбын тиэрдэбин.
Мастаах нэһилиэгиттэн икки түмсүү үҥкүүһүт бөлөхтөр баран кыттан кэллилэр. «Тускулаана» салайааччыта Нина Петровна Михайлова. Үҥкүүлэрин бэлэмнээтэ Ариан Дьяконов, норуот айымньытын дириэктэрэ. Үҥкүү таҥастарын түмсүү бэйэтэ оҥостор. Муһуннулар да олорбутунан иистэнэллэр. Тускулааналар сахалыы ыаҕыйалаах үҥкүүлэринэн Лауреат үрдүк аатын сүктүлэр. Оҕо уһуйаанын иитэччилэрэ «Чуораанчык»детсад «Кэрэли» үҥкүү ансаамбыла Лауреат үрдүк аатыгар тиксэннэр үөрүүлэрэ баһаам.
«Тускулаана» түмсүү администрацияҕа 2-с Лүүчүн аҕа баһылыгар Ю.И. Лепчиковка улаханнык махтаналлар бара-кэлэ заправканан көмөлөспүтүгэр. Биһиги нэһилиэк куруук көхтөөх буолар тэрээһиҥҥэ барытыгар кытталлар. Онон Мастаахтар Бүлүүгэ баран нэһилиэкпит аатын дорҕоонноохтук ааттаттыбыт.
Саамай долгутуулаах — Лауреаттартан көрөн-талан ылан Гран При түмүгүн таһаарыахтаахтар. Ол курдук, Гран При аатын ырыаҕа, үҥкүүгэ, фольклорга билиһиннэрдилэр. Кэрэ эйгэ искусствотын оҕолоро 6 кылаас кэлэктиибэ, салайааччы С.К. Жакипова, фольклор көрүҥэр Гран При үрдүк ааты сүгэн кэллибит. «Дети Азии» кыттарга путёвка биэрдилэр.
Түгэнинэн туһанан төрөппүттэрбэр, оскуолам кэлэктиибигэр улахан махталбын тиэрдэбин. Саҥаттан саҥа хамсааһыннары олоххо киллэрэн, өссө элбэх ситиһиилэринэн кынаттанан сайда туралларыгар баҕарабыт.
Сардана Жакипова, Мастаах бөһ.