Кэбээйи бөһүөлэгэр оскуола иннинээҕи саастаах оҕолор I Республиканскай «Чуопчаарар чооруостар» күрэхтэригэр Куокуй «Ача» детсад, сэбиэдиссэй Светлана Лоботова, иитиллээччилэрэ кыайыы кынаттанан, ситиһиилээх кэллилэр.
Ол курдук, «Оторой-моторой уолаттар» ансамбыллара Гран при үрдүк аатын ыллылар, «Сир симэхтэрэ» муода бөлөҕө «Айылга оҕото» муода композициятынан II истиэпэннээх лауреат буоллулар, хореография салаатыгар аныгылыы үҥкүү III истиэпэннээх лауреат үрдүк аатын ыллылар, биирдиилээн ырыа көруҥэр II истиэпэннээх лауреат аатын ылла Айыллаана Дьяконова,I II истиэпэннээх лауреат уонна «Чуор куолас» номинация кыайыылааҕа — Эрчим Хонотов.
Оҕолорбутун конкурска иппит төрөппүппүтүгэр Борис Павловка барҕа махталбытын тиэрдэбит.
Кэнчээри ыччаттарбытыгар инники да ситиһиилэр кэлэ турдуннар.
Сонуннарга анаан Полина Борисова.