Сэттэ өҥнөөх кууһар кустук
Ырыа буолан кутааланна,
Сахам сирэ онно ордук уратытык ойууланна.
Олоҥхоттон төһүүннэммит ааппыт кистээн дьырылаата,
Ырыа күнэ бэлэхтэммит күнүн
Куокуйдааҕы култуура киинигэр Ырыа түһүлгэтэ аанын аста.
Ыам ыйын 21 күнэ — Сахабыт сиригэр Ырыа күнүнэн биллэриллибитэ. Ырыа түһүлгэтигэр мустан олохтоох ааптардар, матыыптарыгар Алексей Калининскай, Варвара Лукинова, Виктор Новиков, Роман Степанов, Геннадий Иванов, Татьяна Гаврильева-Суздалова ырыаларын «Ача» детсад «Сардаана», Куокуй орто оскуолатын «Сыдьаайа», олохтоох дьаһалта, «Луҥха долгуннара» түмсүүлэр, Платон Федотов, Сардаана Егорова, Валентина Иванова, ыллам ырыаларынан киэргэтилэр. Хас биирдии ырыаны айааччы бэйэтэ таһаарбыт ырыа куйаардаах. Оннук саха норуотун махталын, эрэлин, тапталын туһаайбыт ырыа дьүрүскэнин айааччытынан — биһиги биир дойдулаахпыт Алексей Кириллович Калининскай — Луҥха Өлөксөй буолар.
Айбыт ыратын иэйиилэрэ үтүөнү, үйэлээҕи түстүүллэр. Төрөөбүт Ийэ сирбит киэҥ киэлитин сырдаталлар, орто дойду олоҕун кэрэкэтик туойаллар.
Ыллыыр омук эйэлээх,
Үчүгэйиэн Ырыа күнэ
Арахсыспат аргыс буолта,
Сахам сирин ырыа күнэ буолан
Сырдаан сандаарта.
Сонуннарга анаан Куокуйтан Полина Борисова.