Саха сирин олохтоохторо анал байыаннай эпэрээссийэ кыттыылаахтарыгар көмөлөһөн араас тэрээһиннэргэ кытталлар, аахсыйалары тэрийэллэр. Горнай улууһун түмсүүтүн ыҥырыытын өйөөн Куокуй нэһилиэгин «Дьоһун саас» түмсүү актыбыыстара «Мастерская дронов» аахсыйаҕа кытта сылдьаллар.
«Дьиэ аайы туһатыттан ааспыт деревяшка да, аныгы да сотовай, радио телефоннар, ноутбуктар, нетбуктар, планшеттар баара чахчы. Олору хомуйан анал дьайыыга дрон оҥоруутугар көмөлөһүөххэ диэн «Үтүө түгэн» аахсыйа тэрийэн ыҥырыы таһаарбыппыт. Олохтоохтор өйдөөн, өйөөн эргэ гаджеттарын Арҕас бөһүөлэгин «Угуйаан» культура дьиэтигэр аҕала тураллар. Хомуйуу балаҕан ыйын ортотугар диэри буолуоҕа», — диэн кэпсээтэ Нина Олесова.
Бу курдук дойду көмүскэлигэр сылдьар байыастарга санааларыгар күүс-уох эбэн, өйөбүл буолан, амарах санаалах дьон быыстала суох кыайыы туһугар бэйэлэрин сэмэй кылааттарын киллэрэллэр.
Татьяна Левина.