Кулун тутар 14-16 күннэригэр Кэбээйи нэһилиэгэр боксаҕа СССР спордун маастарыгар кандидат, Российскай Федерация салгын транспорын туйгуна, авиация уонна үлэ ветерана, Кэбээйи улууһун бочуоттаах олохтооҕо — Иван Васильевич Терехов кэриэһигэр, аналлаах боксаҕа Өрөспүүбүлүкэтээҕи турнир саҕаланна. Республика араас муннуктарыттан уопсайа 15 хамаанда, 107 эдэр спортсменнар кыттыыны ыла сылдьаллар. Күрэххэ 2007-2008, 2009-2010, 2011-2012, 2013-2014, 2015-2016 сыллаах төрүөх уолаттар күөн көрсүөхтэрэ.
Светлана Оконешникова