Кэбээйитээҕи түмэлгэ Олоҥхо ыһыаҕын көрсө, Сомоҕолоһуу күнүгэр анаан «Айар кыһа» тэрээһин буолан ааста.
Маастардарынан Кэрэ эйгэ оскуолатын учууталлара Валентина Ариановна Босикова уруһуйга, Марфа Иннокентьевна Попова харыйа оонньуурун оҥорууга, «Оһуор тойук» түмсүү кыттыылаахтара Саргылана Ивановна Докторова кылынан-сиэлинэн өрүүгэ, Февронья Ивановна Кокорева кыбытык иискэ айар дьоҕурдарын бар дьоннорун кытта уллэстэннэрөбүгэлэрбит үйэттэн үйэҕэ харыстаан илдьэ кэлбит үгэстэрин кытары билиһиннэрдилэр, дьону-сэргэни түмтүлэр, утуму салҕаатылар. Кэлбит дьон уруһуйга холонон, оҕолорун кытта чэпчэки ыйааһыннаах пластилинтан харыйа оонньууру оҥорон, кылтан ситии хатан, кырадаһынынан иистэнэн астына-дуоһуйа дьарыктаннылар. Бу тэрээһин салҕаныахтаах.
Кэлэр «Айар кыһа» тэрээһиннэригэр өбүгэлэр төрүт дьарыктарыгар олохтоохтору үөрэтии ыытыллара былааннанар.
Мустубут дьон өссө да «Айар кыһа»дьарыктарыгар сылдьар баҕаларын биллэрэн үөрэн-көтөн тарҕастылар.
Айталина Максимова, түмэл үлэһитэ.