Кэбээйи улууһун биир бастакы учуутала, поэта Иван Романович Петров төрөөбүтэ 110 сылыгар аналлаах үөрэнээччилэргэ литературнай уруок буолан ааста. «Кэрэ кэскил кыраайбын Кэбээйибин таптыыбын» — диэн өрөгөй ырыатынан тэрээһиммитин арыйдыбыт. Иван Петров олорон ааспыт олоҕун, ыар дьылҕатын, эриэккэс айымньыларын туһунан библиотека улэһитэ Мария Степановна Обутова билиһиннэрдэ. Оҕолор поэт оскуола оҕолоругар анаан суруйбут хоһооннорун аахтылар, билистилэр. Итини сэргэ кинигэ быыстапкатын сэргээн көрдүлэр. Кэлэр көлүөнэ ыччаттар Кэбээйибит биир киэн туттар киһибит өлбөт- сүппэт айымньыларын үөрэтэ, өйдүү-саныы сылдьыахтаах, биир дойдулаахпыт аата-суола сүппэтин, өлбөөдүйбэтин туһугар.
Мария Обутова